قاراعاندى وبلىسىندا بيىل وبلىستىق، اۋداندىق جانە قالالىق ماڭىزى بار 734 شاقىرىم اۆتوجول جوندەلەدى، دەپ جازادى "ادىرنا" ۇلتتىق پورتالى.
قاراعاندى وبلىسى اكىمدىگى ءباسپاسوز قىزمەتىنىڭ حابارلاۋىنشا، قاراعاندىدا 50 كوشە رەتكە كەلتىرىلەدى. چەتسكايا مەن پيچۋگين كوشەلەرىندە كۇردەلى جوندەۋ باستالادى. ورتاشا جوندەۋ بۇقار جىراۋ داڭعىلى بويىنشا: ۆولوچاەۆسكايادان گونچارنايا كوشەسىنە دەيىن، ەرمەكوۆ كوشەسىنەن ن. ءابدىروۆ داڭعىلىنا دەيىن جانە ن. نازارباەۆ داڭعىلىنان چكالوۆ كوشەسىنە دەيىن.
بوكەتوۆ كوشەسىندە (مۇقانوۆ كوشەسىنەن ۇشتوبە اۋىلىنا دەيىنگى اۆتوجولعا دەيىن) جول سالۋ جانە كوسموناۆتتار كوشەسىن قايتا جاڭارتۋ جالعاسادى.
بيىلعى جىلى 15-ءشى ماگيسترالدى – 7-ءشى ماگيسترالدان "بۇركىت" كافەسىنە دەيىن ورتاشا جوندەۋدىڭ اۋىسپالى جوباسى اياقتالادى.
جولداردى جوندەۋدەن باسقا، قاراعانوزەك (ۇلكەن ميحايلوۆكا) ستانتسياسىنىڭ اۋدانىندا تەمىرجول ارقىلى جاياۋ جۇرگىنشىلەر كوپىرى سالىنادى، بۇل جەرگىلىكتى تۇرعىندار ءۇشىن تەمىرجول ارقىلى قاۋىپسىز وتۋگە مۇمكىندىك بەرەدى.
وبلىستىق جولدارعا كەلەتىن بولساق، 317 كم جانە 345 كم اۋداندىق ماڭىزى بار جانە ەلدى مەكەندەردىڭ كوشەلەرى جوندەۋمەن قامتىلادى.
"اۋىل – ەل بەسىگى" ارنايى جوباسى بويىنشا وبلىستىڭ ءتورت اۋدانىنىڭ – اباي، بۇقار جىراۋ، نۇرا جانە وساكاروۆ اۋداندارىنىڭ 23 اۋىلىنداعى جولدار جوندەلەدى.
وڭىردەگى جول-قۇرىلىس ماۋسىمى 1 مامىردا باستالادى.
"ادىرنا" ۇلتتىق پورتالى
