Qaraǵandy oblysynda bıyl oblystyq, aýdandyq jáne qalalyq mańyzy bar 734 shaqyrym avtojol jóndeledi, dep jazady "Adyrna" ulttyq portaly.
Qaraǵandy oblysy ákimdigi baspasóz qyzmetiniń habarlaýynsha, Qaraǵandyda 50 kóshe retke keltiriledi. Chetskaıa men Pıchýgın kóshelerinde kúrdeli jóndeý bastalady. Ortasha jóndeý Buqar jyraý dańǵyly boıynsha: Volochaevskaıadan Goncharnaıa kóshesine deıin, Ermekov kóshesinen N. Ábdirov dańǵylyna deıin jáne N. Nazarbaev dańǵylynan Chkalov kóshesine deıin.
Bóketov kóshesinde (Muqanov kóshesinen Úshtóbe aýylyna deıingi avtojolǵa deıin) jol salý jáne Kosmonavttar kóshesin qaıta jańartý jalǵasady.
Bıylǵy jyly 15-shi magıstraldi – 7-shi magıstraldan "Búrkit" kafesine deıin ortasha jóndeýdiń aýyspaly jobasy aıaqtalady.
Joldardy jóndeýden basqa, Qaraǵanozek (Úlken Mıhaılovka) stanııasynyń aýdanynda temirjol arqyly jaıaý júrginshiler kópiri salynady, bul jergilikti turǵyndar úshin temirjol arqyly qaýipsiz ótýge múmkindik beredi.
Oblystyq joldarǵa keletin bolsaq, 317 km jáne 345 km aýdandyq mańyzy bar jáne eldi mekenderdiń kósheleri jóndeýmen qamtylady.
"Aýyl – El besigi" arnaıy jobasy boıynsha oblystyń tórt aýdanynyń – Abaı, Buqar Jyraý, Nura jáne Osakarov aýdandarynyń 23 aýylyndaǵy joldar jóndeledi.
Óńirdegi jol-qurylys maýsymy 1 mamyrda bastalady.
"Adyrna" ulttyq portaly
