بۇگىن، 15 ناۋرىز كۇنى الماتى قالاسىندا “ادىرنا” ۇلتتىق پورتالىنىڭ ۇيىمداستىرۋىمەن پارلامەنتتىك سايلاۋعا ۇمىتكەرلەر اراسىندا دەبات ءوتتى.
دەبات ADYRNA ULTTYQ PORTALY يۋتۋب ارناسىندا تىكەلەي ەفيردە بولدى. پىكىر سايىسقا قر ءماجىلىسى دەپۋتاتتىعىنا ۇمىتكەرلەر بەيبىت تۋراباەۆ، تالعات جانىسباي جانە باديگۇل قاجىبەكقىزى قاتىستى.
پىكىر تالاس سايىسى نەگىزگى 4 كەزەڭنەن تۇردى.
ءبىرىنشى كەزەڭدە ۇمىتكەرلەردىڭ ءار قايسىسىنا 3 مينۋتتان ۋاقىت بەرىلىپ، ولار ءوزىن تانىستىردى. ەكىنشى كەزەڭدە “حالىقتى الەۋمەتتىك جاعداي الاڭداتادى، ولاردىڭ مۇقتاجدىعىن ازايتۋ ءۇشىن ەكونوميكاعا ۇلكەن سالماق تۇسەدى. ەكونوميكانى ىلگەرىلەتۋدە قانداي تىڭ ۇسىنىس پەن يدەيا ايتاسىزدار؟” دەگەن ورتاق سۇراققا جاۋاپ بەرىپ، ءوز ويلارىن ورتاعا سالدى. جانە پىكىر سايىستىڭ ءۇشىنشى كەزەڭىندە ۇمىتكەرلەر ءبىر-بىرىنە ناقتى ساۋالدار قويىپ، جاۋاپ الدى. ال ءتورتىنشى قورىتىندى كەزەڭدە سايلاۋعا قاتىسۋداعى نەگىزگى ماقساتى جانە ءوزىنىڭ باعدارلاماسىنىڭ نەگىزگى باعىتتارىمەن تانىستىرىپ ءوتتى.
تارتىستى دودانىڭ شەشىمىن “ادىرنا” ۇلتتىق پورتالىنىڭ الەۋمەتتىك جەلىدەگى ساۋالناماسى قورىتىندىلادى. ساۋالناما ناتيجەسى بويىنشا، 8% داۋىسپەن باديگۇل قاجىبەكقىزى 4-ورىن، 19% داۋىسپەن سايىس الاڭىنا كەلمەگەن رۋسلان نۇرلىباەۆ 3-ورىنعا جايعاسسا، 2-ورىن 26% داۋىسپەن بەيبىت تۋرلاباەۆتىڭ ەنشىسىندە، ال 47% داۋىسپەن تالعات جانىسباي توپ جاردى.
