1 شىلدە كۇنى “ادىرنا” ۇلتتىق پورتالىنىڭ ۇجىمى جۋرناليستەر كۇنى مەن ۇلتتىق دومبىرا كۇنىن تابيعات اياسىندا اتاپ ءوتتى.
تاڭ اتا باستالعان كەزدەسۋ ىلە الاتاۋ ۇلتتىق پاركىندەگى ايۋساي سارقىراماسىندا ءوتتى.
“ادىرنا” ۇجىمى ايۋساي سارقىرامالارىنا شىعىپ، سول جەردىڭ اسەم تابيعاتى، ءمولدىر سۋىمەن تانىسىپ قايتتى.
تابيعات توسىندەگى ۇجىمدىق دەمالىس بارىسىندا رۋحاني شەر تارقاتىلدى. «قازاقتىڭ دجون لەننونى»، مادەنيەتتانۋشى، جۋرناليست بەردالى وسپان قازاق كۇيلەرىنىڭ تاريحىنا توقتالىپ ءوتىپ، قىزىقتى اڭگىمەلەرىنەن شەر تارقاتىپ، ساۋالدار قويدى. اق داستارحان باسىندا قۇتتىقتاۋلارعا دا كەزەك بەرىلىپ، ديپلومدار مەن سىيلىقتار تابىستالدى.
“ادىرنا” ۇلتتىق پورتالى ۇجىمىندا قاجىرلى ەڭبەك ءسىڭىرىپ، قازاق ءباسپاسوزىن دامىتۋعا قوسقان ۇلەسى ءۇشىن «رۋحانيات جاناشىرى» اتاعىمەن بەردالى وسپان، «اقپارات ارىستانى» اتاعىمەن سەرىك جولداسباي، «شابىت قىرانى» اتاعىمەن داستان قاستاي، «قارجى ءمينيسترى» اتاعىمەن گۇلسىم تولەگەنوۆا، «داڭقتى ديزاينەر» اتاعىمەن باعجان ساپيروۆ، «تەحنيكتەر تورەسى» اتاعىمەن فارحاد نالىباەۆ، «رەيتينگ شەبەرى»اتاعىمەن دينا ليتپين، «جىلناما شەبەرى» اتاعىمەن ايجان سىلانوۆا مەن لاۋرا تۇرسىنجان، «اقپاراتتىڭ اق مىلتىعى» اتاعىمەن دانا نۇرمۇحانبەت، «ساراپتاما ساڭلاعى» اتاعىمەن ديانا اسان، «ۆيدەوگەر-مايدانگەر» اتاعىمەن ارمان قۇدايبەرگەن مەن ماقسات قۇسايىنوۆ ماراپاتتالدى.
ودان بولەك، سپورتتىق سايىستار وتكىزىلدى. ءۇش توپقا بولىنگەن ۇجىم ۇلتتىق ويىندار وينادى. سايىستا سىنعا تۇسكەندەردىڭ بارلىعىنا ۇلتتىق ناقىشتا بەينەلەنگەن سىيلىقتار تابىستالدى.
ايتا كەتەيىك، 5 جىل بۇرىن تۋرا سول جەردە 30 ماۋسىم كۇنى “ادىرنا” ۇجىمى ۇلتتىق دومبىرا كۇنىن اتاپ وتكەن ەدى.
ۇلتتىق ويىن تۇردەرىنەن، ءان مەن كۇيدەن جارىس ۇيىمداستىرىپ، “ادىرنا” العاشقى بولىپ ەلىمىزدە وسى مەرەكەنى وتكىزگەن بولاتىن.
