“Adyrna” ulttyq portalynyń uıymdastyrýymen Parlamenttik saılaýǵa úmitkerler arasynda debat ótti

2396
Adyrna.kz Telegram

Búgin, 15 naýryz kúni Almaty qalasynda “Adyrna” ulttyq portalynyń uıymdastyrýymen Parlamenttik saılaýǵa úmitkerler arasynda debat ótti.

Debat ADYRNA ULTTYQ PORTALY ıýtýb arnasynda tikeleı efırde boldy. Pikir saıysqa QR Májilisi depýtattyǵyna úmitkerler Beıbit Týrabaev, Talǵat Janysbaı jáne Bádıgúl Qajybekqyzy qatysty.

Pikir talas saıysy negizgi 4 kezeńnen turdy.

Birinshi kezeńde úmitkerlerdiń ár qaısysyna 3 mınýttan ýaqyt berilip, olar ózin tanystyrdy. Ekinshi kezeńde  “Halyqty áleýmettik jaǵdaı alańdatady, olardyń muqtajdyǵyn azaıtý úshin ekonomıkaǵa úlken salmaq túsedi. Ekonomıkany ilgeriletýde qandaı tyń usynys pen ıdeıa aıtasyzdar?” degen ortaq suraqqa jaýap berip, óz oılaryn ortaǵa saldy. Jáne pikir saıystyń úshinshi kezeńinde úmitkerler bir-birine naqty saýaldar qoıyp, jaýap aldy. Al tórtinshi qorytyndy kezeńde saılaýǵa qatysýdaǵy negizgi maqsaty jáne óziniń baǵdarlamasynyń negizgi baǵyttarymen tanystyryp ótti.

Tartysty dodanyń sheshimin “Adyrna” ulttyq portalynyń áleýmettik jelidegi saýalnamasy qorytyndylady. Saýalnama nátıjesi boıynsha, 8% daýyspen Bádıgúl Qajybekqyzy 4-oryn, 19%  daýyspen saıys alańyna kelmegen Rýslan Nurlybaev 3-orynǵa jaıǵassa, 2-oryn 26% daýyspen Beıbit Týrlabaevtyń enshisinde, al 47%  daýyspen Talǵat Janysbaı top jardy.

 

Pikirler