توتەنشە جاعدايلار مينيسترلىگىنىڭ ءباسپاسوز قىزمەتى قازاقستانداعى سۋ تاسقىنى تۋرالى سوڭعى جايتتاردى ءمالىم ەتتى، دەپ حابارلايدى "ادىرنا" ۇلتتىق پورتالى.
«رەسپۋبليكالىق شتابتىڭ باقىلاۋىندا 7 وبلىس بار، ولار اقتوبە، اقمولا، قوستاناي، باتىس قازاقستان، سولتۇستىك قازاقستان جانە پاۆلودار وبلىستارى»، - دەلىنگەن حابارلامادا.
30 ناۋرىز ساعات 12.00-گە دەيىنگى قورىتىندى بويىنشا:
- قۇتقارۋ جۇمىستارىنا توتەنشە جاعدايلار مينيسترلىگى، قورعانىس مينيسترلىگى، ۇلتتىق قاۋىپسىزدىك كوميتەتى مەن ۇلتتىق ۇلاننىڭ 6 مىڭنان استام ادامى، 3 مىڭ تەحنيكاسى مەن 12 ۇشاعى جۇمىلدىرىلعان.
- 7783 ادام، ونىڭ ىشىندە 2800 بالا قۇتقارىلىپ، ەۆاكۋاتسيالاندى.
- 3131 ادام، ونىڭ ىشىندە 1093 بالا ۋاقىتشا ورنالاستىرۋ ورتالىقتارىندا.
- 644 ادام، ونىڭ ىشىندە 236 بالا توتەنشە جاعدايلار مينيسترلىگى، قورعانىس مينيسترلىگى، ۇلتتىق قاۋىپسىزدىك كوميتەتى جانە ۇلتتىق ۇلان ۇشاقتارىمەن قۇتقارىلدى.
- قاجەتتى جەرلەرگە 300 مىڭنان استام قاپ پەن 45 توننا ينەرتتى ماتەريال توسەلدى.
- 3,5 ملن م3 استام ەرىگەن سۋ سورىلدى.
ۇقساس جاڭالىقتار
