«قوعامدىق پىكىر» زەرتتەۋ ينستيتۋتى 25-28 قاڭتارىندا تەلەفون ارقىلى ساۋالناما جۇرگىزدى. ساۋالناماعا سايكەس، 2023 جىلعى 19 ناۋرىزداعى پارلامەنتتىك سايلاۋعا قاتىسۋدىڭ ىقتيمال دەڭگەيى 53,3% قۇرادى. بۇل ناقتى داۋىس بەرەتىن (39,0%) رەسپوندەنتتەردىڭ جالپى ۇلەسى. سايلاۋعا قاتىسۋدىڭ بۇل دەڭگەيى جىنىسىنا، جاسىنا جانە ماتەريالدىق جاعدايىنا قاراماستان بارلىق توپتاردا بىردەي.
رەسپوندەنتتەرگە «ەگەر الداعى جەكسەنبىدە پارلامەنتتىك سايلاۋ بولسا، ءسىز وعان قاتىسار ما ەدىڭىز؟» دەگەن سۇراق قويىلدى.
كەزەكتەن تىس پارلامەنتتىك سايلاۋدا داۋىس بەرەتىن 48,6% رەسپوندەنت AMANAT پارتياسىنىڭ كانديداتتارىن قولداۋعا نيەتتى. ساۋالناما دەرەكتەرى بويىنشا بۇگىنگى تاڭدا 5% شەگىن «اۋىل» (6,2%), «اقجول» (5,4%) پارتيالارى ەڭسەرە الادى.
باسقا پارتيالار سايلاۋشىلاردىڭ قولداۋىن الۋعا ءتيىس: قحپ (4,8%), «Respublica» (3,6%), جسدپ (3,2%), «بايتاق» (2,8%). «بارلىعىنا قارسى» داۋىس بەرۋگە دايىن رەسپوندەنتتەر ۇلەسى 2,6% بولدى. رەسپوندەنتتەردىڭ 1/5 بولىگى (22,8%) پارتيالىق قالاۋىن انىقتاعان جوق.
سايلاۋشىلاردىڭ كوپشىلىگى ساياسي ءپليۋراليزمدى قولدايدى: تومەنگى پالاتادا بەس جانە ودان دا كوپ پارتيانىڭ بولۋىن – 27,8%، ءتورت پارتيا – 6,6%، ءۇش پارتيا – 16,8%، ەكى پارتيا – 12,0% رەسپوندەنت قولدادى.
ناتيجەگە قاراساق، 2023 جىلعى 19 ناۋرىزداعى پارلامەنتتىك سايلاۋعا قاتىسۋ دەڭگەيى 69% -دى قۇرايدى. بۇل داۋىس بەرۋگە نيەت بىلدىرگەندەردىڭ جالپى ۇلەسى (51,9%) جانە داۋىس بەرۋى مۇمكىن (17,1%) ازاماتتاردىڭ ۇلەسىنەن شىعادى.
رەسپوندەنتتەرگە تومەندەگىدەي سۇراق قويىلدى: "ايتىڭىزشى، ءسىز 2023 جىلعى 19 ناۋرىزدا وتەتىن پارلامەنتتىك سايلاۋعا قاتىساسىز با؟».
ساۋالناماعا سايكەس، بارلىق توپتاردا سايلاۋعا قاتىسۋى ايتارلىقتاي جوعارى. سونىڭ ىشىندە اۋىل تۇرعىندارى، ايەلدەر، 46-60 جانە 61 جاستان اسقان ازاماتتار اراسىندا جوعارى قۇلشىنىس تانىتۋ كورسەتكىشتەرى تىركەلەدى.
جالپى العاندا، رەسپوندەنتتەردىڭ 23,4%-ى (10,3%) جانە (13,1%) داۋىس بەرۋگە نيەتتى ەمەس.
انىقتالماعانداردىڭ ۇلەسى-7,6%.
سونداي-اق، رەسپوندەنتتەرگە: "ايتىڭىزشى، پارلامەنت ماجىلىسىنە سايلاۋدا قانداي ساياسي پارتياعا داۋىس بەرەر ەدىڭىز؟» دەگەن سۇراق قويىلدى.
داۋىس بەرۋگە قاتىسۋعا نيەت بىلدىرگەندەر ءارى ساۋالناماعا قاتىسقاندار توبىندا ساياسي پارتيالاردىڭ الەۋەتتى رەيتينگى تومەندەگىدەي: Amanat پارتياسىن سايلاۋشىلاردىڭ ۇشتەن ەكىسى قولداۋعا دايىن – 66,7%.
ساۋالناما دەرەكتەرى بويىنشا قاجەتتى 5% شەكتى، Amanat پارتياسىمەن بىرگە "اۋىل" پارتياسى – 6,1%، Respublica – 5,4%، "اق جول" – 5,2%، حالىق پارتياسى – 5,1% ەڭسەرەدى.
4,1% رەيتينگى بار جسدپ 5% شەگىنە سالىستىرمالى تۇردە جاقىن.
"بايتاق" جاڭا پارتياسىنىڭ 2,1% عانا جينادى. ولاردىڭ پارلامەنت ماجىلىسىنە ءوتۋ مۇمكىندىگى ءالى دە از. بۇل رەتتە "بارلىعىنا قارسى" داۋىس بەرۋگە دايىن رەسپوندەنتتەردىڭ ۇلەسى 5,3%-دى كورسەتتى.
وسىلايشا، 5 ساياسي پارتيا ماجىلىستە دەپۋتاتتىق ورىندارعا يە بولۋدىڭ ازدى-كوپتى ناقتى مۇمكىندىگىنە يە.
"ادىرنا" ۇلتتىق پورتالى
