بۇگىن قر ورتالىق سايلاۋ كوميسسياسىنا «AMANAT» پارتياسىنان قر پارلامەنتى ءماجىلىسى دەپۋتاتتارىنىڭ سايلاۋىنا كانديداتتاردى ۇسىنۋ تۋرالى قۇجاتتار توپتاماسى تاپسىرىلدى.
كۇنى كەشە «AMANAT» پارتياسىنىڭ كەزەكتەن تىس XXV سەزىنىڭ شەشىمىمەن ءماجىلىس دەپۋتاتتىعىنا كانديدات رەتىندە پارتيالىق ءتىزىم بويىنشا 90 ادام ۇسىنىلدى.
«AMANAT» پارتياسىنىڭ اتقارۋشى حاتشىسى ەلنۇر بەيسەنباەۆ از عانا ۋاقىت ىشىندە ماجىلىسكە جانە بارلىق دەڭگەيدەگى ماسليحاتتارعا ەڭ لايىقتى ۇمىتكەرلەردى ىرىكتەۋ بويىنشا اۋقىمدى جۇمىس اتقارىلعانىن اتاپ ءوتتى.
«ەل اۋماعىنداعى وڭىرلىك سايلاۋ كوميسسيالارىنا «AMANAT» پارتياسىنان ءماسليحات دەپۋتاتتىعىنا 3821 كانديداتتىڭ قۇجاتى ۇسىنىلدى. وسك-عا تاپسىرىلعان پارتيالىق تىزىمدە كۆوتا ساقتالىپ، ۇمىتكەرلەردىڭ 30%-دان استامىن ايەلدەر، جاستار جانە ەرەكشە قاجەتتىلىكتەرى بار ادامدار قۇرادى. سايلاۋ ءادىل، تازا وتەدى دەپ سەنەمىز جانە الداعى ساياسي دوداعا تولىق دايىنبىز»، – دەدى ەلنۇر بەيسەنباەۆ.
سونداي-اق، بۇگىن «AMANAT» پارتياسىنان ماجىلىسكە ءبىرمانداتتى وكرۋگتەر بويىنشا ۇسىنىلعان كانديداتتاردىڭ قۇجاتتارى ءتيىستى وكرۋگتىك سايلاۋ كوميسسيالارىنا ۇسىنىلدى.
ورتالىق سايلاۋ كوميسسياسىنىڭ وتىرىسىنان كەيىن پارتيانىڭ اتقارۋشى حاتشىسى جۋرناليستەردىڭ سۇراقتارىنا جاۋاپ بەردى.
پارتيالىق تىزىمدەر بويىنشا ۇسىنىلعان كانديداتتاردىڭ تولىق تىزىمىمەن وسى سىلتەمە بويىنشا تانىسۋعا بولادى: https://t.me/AMANATPartiyasy/9852. ءبىرمانداتتى وكرۋگتەر بويىنشا: https://t.me/AMANATPartiyasy/9853.
سايلاۋالدى باعدارلامانىڭ تولىق ءماتىنى ۇگىت-ناسيحات كەزەڭىنىڭ العاشقى كۇنىندە جاريالانىپ، پارتيانىڭ سايتىنا ورنالاستىرىلادى.
«AMANAT» پارتياسىنىڭ ءباسپاسوز قىزمەتى
سۋرەتتى تۇسىرگەن ءالي عالىم
