جالپى ەلىمىزدە كوپشىلىكتىڭ سايلاۋداعى ادىلدىككە كۇمانمەن قارايتىنى راس. بۇعان ۇلكەن سەبەپ تە، نەگىز دە بار. باس كەسپەك بولسا دا، ءتىل كەسپەك جوق! وسىعان دەيىنگى سايلاۋلاردا ەرەسەكتەردىڭ ەسسىز ارەكەتىنە تالاي كوزىمىز كۋا، كوڭىلىمىز كۇپتى بولعان. ءتىپتى جۇرتشىلىق سايلاۋعا بارۋدان باس تارتىپ، «وزدەرى سايلاي سالسىن» دەيتىن دارەجەگە جەتكەنىمىز جاسىرىن ەمەس. «مەنىڭ داۋىسىمنان بىردەڭە وزگەرە قويار دەيمىسىڭ» دەگەندەردى دە كوردىك. بىراق وزگەرىس وزىمىزدەن باستالاتىنىن ۇمىتپاعانىمىز ءجون.
ساياساتتا «ەگەر سەن داۋىس بەرۋگە بارماي، سايلاۋدان قالىس قالساڭ، بيلىككە كەلگەن ساياسي كۇشتەن ەشتەڭە تالاپ ەتپە» دەگەن قاعيدا بار. سەبەبى ولار سەنسىز دە سايلاپ الادى. ال ۇرلىق سايلاۋعا سەلقوس قاراعانداردىڭ ەسەبىنەن جاسالاتىنى بەلگىلى. مىنە، «سەندىم، سايلادىم» دەپ سەندەلىپ قالاتىنىمىز سودان. ءتاۋبا، توقاەۆتاي ءتاۋىر باسشى كەلىپ، توڭىرەگىمىزگە قارايتىن، ءادىل سايلاۋ وتكىزەتىن كۇنگە جەتتىك. سايلاۋدىڭ اشىقتىعىن قامتاماسىز ەتەتىن قادام جاسادىق. سايلاۋ جۇيەسىنە جۇرگىزىلگەن رەفورمالار اۋىز تولتىرىپ ايتارلىقتاي. ەندى ەشكىمگە جاساندى ارتىقشىلىق بەرىلمەيدى دەپ سەنەمىز. سوعان قاراماستان «ادىلەتسىزدىككە ازىرلەنىپ جاتقاندار» جوق دەپ ايتۋ قيىن.
سوندىقتان ەندىگى جەردە ەل تاعدىرىنا بەي-جاي قاراماي ءوز تاڭداۋىمىزدى ءوزىمىز جاساعانىمىز دۇرىس. ونىڭ ۇستىنە بۇل سايلاۋ بۇرىنعىدان وزگەرەك. ويتكەنى بۇل جولعى سايلاۋعا باعىتى - ايقىن، جوسپارى - نىق «بايتاق» جاسىلدار پارتياسى قاتىسىپ جاتىر. بايتاقتىڭ بەلگىلى بولعانى بەرىدەن ەمەس، ارىدان ايقىن. 2016 جىلدان پايدا بولعان ەكولوگيالىق قوزعالىس، بۇگىندە ابدەن ءپىسىپ-جەتىلىپ پارتيالىق دەڭگەيگە كوتەرىلىپ وتىر.
قۇرامىنا قۇر ءسوزدىڭ قۇرىعىنداعىلار ەمەس، ناعىز ءىستىڭ ادامدارى جينالعان. باعىندىرعان بەلەستەرى دە بۇلىڭعىر ەمەس. باسقالارعا قاراعاندا باعىتى اۋقىمدىراق. ەل مەن جەردىڭ جايىن قاتار قوزعايدى. وزگەلەر سەكىلدى بايلىق قايدا بولسا، باعىتى سوندا ەمەس. ەڭ باستى قۇندىلىعى – ادام ءومىرى. ولار پارلامەنتكە بارسا، ەلدىڭ بايلىعىمەن ەسەپسىز بايىپ وتىرعاندارعا توقتاۋ سالماق. اۋانى لاستاپ، حالىقتى اۋرۋعا دۋشار ەتكەندەرمەن اياۋسىز كۇرەس جۇرگىزىپ، ونكولوگيالىق اۋرۋلار مەن باسقا دا دەرتتەر ءۇشىن وتەماقى تولەتپەك. سونداي-اق ولار حالىقتىڭ الەۋمەتتىك جاعدايىن تۇزەيمىز دەپ بەكىنىپ وتىر.
قورىتا ايتقاندا، قايراتىمىزعا قايتا مىنەتىن كەز كەلدى. ادىلەتسىزدىك الەگىنەن ارەڭ ارىلعاندا، وزىمشىلدەردىڭ وزگەلەردىڭ داۋىسىن ۇرلاۋىنا جول بەرمەڭىز! سايلاۋعا كەلىپ، بەسىنشى نومىردەگى «بايتاققا» داۋىس بەرىڭىز!
دايىنداعان: «بايتاق» پارتياسىنىڭ ءباسپاسوز قىزمەتى
تاپسىرىس بەرۋشى: ازاماتحان ءامىرتاي
«بايتاق» پارتياسىنىڭ سايلاۋ قورى قاراجاتى ەسەبىنەن تولەندى.
ورالباي مەرگەنبايۇلى
"ادىرنا" ۇلتتىق پورتالى
