الەۋمەتتىك جەلىدە قازاق اۋىلدارىنا ءتان "بالالاپ، تامىرىن كەڭگە جايىپ" كەتكەن ماسەلەنى اشىق، كەسىپ ايتقان ازاماتقا قاتىستى ۆيدەو جارىق كوردى. قاراعاندى وبلىسى، بۇقار جىراۋ اۋدانى، تۇزدى مەكەنىنىڭ تۇرعىنى اۋىلدىقتاردىڭ "موينىنا مىنبەلەگەن" ماسەلەلەردى جايىپ سالىپ، شەندىلەردى ساستىردى، دەپ حابارلايدى "ادىرنا" ۇلتتىق پورتالى.
اۋىلداعى مال شارشاشىلىعى مەن ەگىن شارۋاشىلىعىنا قاتىستى كەلەڭسىزدىكتەردى، جەر ماسەلەسى مەن جەردى "باسىپ العان" جۋانداردىڭ ارەكەتى ءسوز بولدى. قوعام بەلسەندىسى ايسۇلتان جاقىپوۆ مۇنداي ۆيدەونى حالىققا كورسەتۋدەن شەندىلەردىڭ ءوزى تايساقتاپ، باسىن الا قاشاتىنىن جازادى:
- نەگىزى شىنايى جاعداي وسىنداي. كانديداتتار ادەمى سويلەگەندى عانا جاريالايدى كوبىنە. بىراق، بۇل ۆيدەونى دا كانديداتتىڭ شتابىنداعى جىگىتتەردىڭ پاراقشاسىنان الدىم. جارناماسى مەن PR از كانديدات ەكەن. ۆيدەوداعى ازامات قاراعاندىنىڭ 18 وكرۋگىنە قاراستى اۋىلىنىڭ تۇرعىنى. جازداي بۇقار جىراۋ، وسوكاروۆكا اۋىلدارىن ارالاپ باققانمىن. بۇزاۋ ەگىنگە تۇسسە قاماپ قوياتىندار بار ەكەن. شىعارىپ الۋ ءۇشىن ءتورت مىڭ تەڭگە بەرەسىڭ. "بۇزاۋ اۋىلدىڭ ماڭىندا جايىلماۋشى ما ەدى" دەرسىزدەر. كەي اۋىلداردان ەكى ءجۇز مەتر ۇزاماي جاتىپ ەگىس القابى باستالادى.اق-سۇر كۇرتەلى پارتيا وسىنداي جەرلەردى قايتارۋعا جۇمىس ىستەۋى كەرەك. ايدالاداعى جەرلەردى قايتارىپ العانىمەن اۋىل تۇرعىندارىنا پايداسى جوق بولۋى دا مۇمكىن...جازداي جازىپ تا، ايتىپ تا باقتىق. ءتىپتى، اۋىلداردان ۆيدەو دا ءتۇسىردىم... - دەدى قوعام بەلسەندىسى.
ۆيدەونى كورگەن وقىرماندار اۋىل تۇرعىنىن قوستاپ، قولداپ كەتتى. ولاردىڭ ايتۋىنشا، بۇل قازاق ەلىندەگى بارلىق اۋىلدارعا تاڭسىق ەمەس جايت.
"زاڭ بويىنشا جەر يەسى القابىن مال وتپەيتىندەي قورشاپ الۋعا مىندەتتى. ەگەر قورشالماعان بولسا، ەركىن جايىلا بەرسىن. مالىڭدى قاماۋعا قۇقى جوق! قاماسا - وندا سوتقا بەرۋىڭە بولادى";
"قاراعاندى وبلىسىندا مال ءجايىلىمى دەفيتسيت. كەيبىر اۋدانداردا شابىندىق القاپتار مۇلدەم جوق دەۋگە بولادى. اكىم قارالار قاراپايىم قازاققا بۇيىرماسىن دەپ تانىس تامىرلارىنا ارتقى ەسىكتەن بەرىپ جىبەرگەن. حالىققا تيەسىلى جەرلەر ءبىر تىشقاق لاعى جوق دوكەيلەرگە قىزمەت جاساپ جاتىر";
"جەر اۋىلدان 5كم قاشىقتا بولۋى شارت...";
"بۇل بارلىق جەردە وتە ماڭىزدى ماسەلە " دەپ اشىندى وقىرمان قاۋىم.
"ادىرنا" ۇلتتىق پورتالى
