پرەزيدەنت كەڭەسشىسى قانات بوزىمباەۆ وڭتۇستىك وڭىرلەرگە سۋ ۇنەمدەۋ تەحنولوگيالارىن جىلدامداتىپ ەنگىزۋ كەرەگىن ايتتى. بۇل تۋرالى ول «Global Water» اتتى سۋ ۇنەمدەۋ تەحنولوگيالارىنا ارنالعان ءبىرىنشى حالىقارالىق فورۋمدا مالىمدەدى، دەپ حابارلايدى “ادىرنا” ۇلتتىق پورتالى.
«ەگەر سۋ ماسەلەسىندەگى ىشكى قاتەرلەر پروبلەماتيكاسى تۋرالى ايتار بولساق، بۇل دا كوبىمىزگە جاقسى ءمالىم. بىزگە قازىر سۋ پايدالانۋدىڭ ونىمدىلىگىن ارتتىرۋ ءۇشىن قاراپايىم، تۇسىنىكتى، شىندىققا ۇيلەسەتىن شارالار كەرەك. قولدا بار سۋ رەسۋرستارىن ۇنەمدى پايدالانۋ ماسەلەسى وزەكتى بولىپ تۇر. ازىرشە ءبىز سۋ رەسۋرستارىن وتە-موتە ءراسۋا ەتىپ پايدالانامىز. ءبىز سۋدى ءراسۋا ەتۋ بويىنشا وڭىردە «كوش باستاپ» تۇرمىز. ءتىپتى الەم بويىنشا دا وسىنداي دەڭگەيدەمىز دەپ ايتا الامىن»، - دەدى پرەزيدەنت كەڭەسشىسى.
ودان بولەك، ول اۋىل شارۋاشىلىعىندا سۋ پايدالانۋدىڭ تاسىلدەرى قايتا قارالاتىنىن ەسكە سالدى.
«اۋىل شارۋاشىلىعى تۋرالى ايتساق، مەملەكەت باسشىسى ءتۇرلى سۋبسيديالاردى سۋ ۇنەمدەۋ تەحنولوگيالارىن پايدالانۋ دەڭگەيىنە بايلاپ تاستاۋ تۋرالى كەشەندى تاپسىرمالار بەردى. بىزگە سۋ ۇنەمدەۋ تەحنولوگيالارى مەن ءتيىمدى يرريگاتسيا تاسىلدەرىن بۇكىل جەردە ەنگىزۋ قاجەت. بۇل، اسىرەسە، وڭتۇستىك وڭىرلەرگە قاتىستى. بيىل وسى باعىتتا بەلسەندى جۇمىس باستالۋ كەرەك»، - دەدى قانات بوزىمباەۆ.
