ورال قالاسىنىڭ ەكس-اكىمىنىڭ ۇلى ۋكراينا جەرىندە رەسەي جاعىندا سوعىسىپ ءجۇر

2173
Adyrna.kz Telegram

ورال قالاسىنىڭ ەكس-اكىمى، ءماجىلىستىڭ بۇرىنعى دەپۋتاتى ساميعوللا ورازوۆتىڭ رەسەيدە تۇراتىن ۇلىن بىلتىر قىركۇيەكتە موبيليزاتسيامەن الىپ كەتكەن. ول قازىر ۇلىنىڭ ۋكراينادا جۇرگەنىن راستادى، دەپ حابارلايدى “ادىرنا” ۇلتتىق پورتالى ازاتتىق راديوسىنا سىلتەمە جاساپ.

بۇعان دەيىن الەۋمەتتىك جەلىدە 45 جاستاعى باۋىرجان ورازوۆ ۋكراينادا رەسەيلىكتەر جاعىندا "سوعىسىپ جۇرگەن بولۋى مۇمكىن" ەكەنى جونىندە حابار تاراعان.

ورازوۆتىڭ ايتۋىنشا، ۇلى بۇرىن قازاقستاننىڭ باتىسىنداعى ورال قالاسىندا ميليتسيادا جۇمىس ىستەگەن. كەيىن رەسەيگە كەتىپ، سول جاقتا ۇيلەنىپ، وتباسىن قۇرعان. رەسەي ازاماتتىعىن العان.

"موبيليزاتسيا باستالعان كەزدە "مۇندا كەل، قايت" دەدىم. "وي، پاپا، مەنى كىم الادى؟ 45-تەمىن. اۋىراتىنىم دا بار" دەدى. سوسىن ونى شاقىرىپ الىپ، اسكەري كوميسسارياتقا قاماعان. "مىنا جەرىم اۋىرادى" (دەگەنىنە ەشكىم قاراماعان). ەشقانداي كوميسسيا جوق. "اندا بارعاسىن جازىلاسىڭ" دەپ ايداپ جىبەرىپتى. قازىر زاپوروجە اەس-ءىنىڭ ماڭىندا ەنەرگودار دەگەن قالا بار، سوندا ءجۇر. ول جاقتا سوعىس ءجۇرىپ جاتقان جوق", - دەيدى ەكس-دەپۋتات. 

ورال قالاسىنىڭ بۇرىنعى اكىمى ساميعوللا ورازوۆ رەسەي باسقىنشىلىعى تۋرالى سۇراققا ء"وزىمنىڭ كوزقاراسىم، پوزيتسيام بار، بىراق بالاما زيان كەلە مە دەپ قورقامىن" دەپ اشىعىن ايتقان.

پىكىرلەر