Ekıbastūzdaǧy JEO-ǧa taǧy da aiyppūl salyndy. Būl turaly Pavlodar oblysynyŋ sanitarlyq-epidemiologiialyq baqylau departamentı mälımdedı, dep habarlaidy “Adyrna” ūlttyq portaly.
Būl joly būzuşylyqtar sanitarlyq därıgerler stansiianyŋ öndırıstık üi-jailaryn jospardan tys tekseru kezınde anyqtaldy. Stansiia şaŋǧa toly, salqyn jäne jaryqtandyrylmaǧan bolyp şyqty.
Pavlodar oblysynyŋ sanitarlyq-epidemiologiialyq baqylau departamentınıŋ habarlauynşa, bırneşe sehqa jospardan tys tekseru oblystyq prokuraturanyŋ tapsyrmasy boiynşa jürgızıldı.
"Sanitarlyq normalardyŋ būzyluy, onyŋ ışınde jürgızılgen zerthanalyq-aspaptyq ölşeuler boiynşa säikessızdıkter anyqtaldy. KTS jūmys aimaǧynyŋ auasyndaǧy şaŋnyŋ artuy, üi - jailardyŋ temperaturasy men jaryqtandyruynyŋ, EMÖ kerneulıgınıŋ, qoldanystaǧy gigienalyq normativterge säikes auyzsu rejimınıŋ säikes kelmeuı baiqaldy", – dep habarlady vedomstvodan.
Sanitarlyq därıgerlerdıŋ aituynşa, jūmysşylardyŋ arnaiy kiımderın juuǧa arnalǧan kır juatyn oryn da dūrys emes jūmys ıstegen.
"Aktıde 10 gradustan tömen nemese 26 gradustan joǧary aua temperaturasynda ystyq şaimen nemese salqyndatylǧan auyz sumen qamtamasyz etetın arnaiy ydystardyŋ joq", – dep naqtylady öŋırlık sanitarlyq-epidemiologiialyq baqylau departamentı.
Tekseru qorytyndysy boiynşa "Ekıbastūzjyluenergo" JŞS äkımşılık jazaǧa tartyldy.
"Ekıbastūzjyluenergo" JŞS QR ÄQBtK-nıŋ 425-babynyŋ 1-bölıgı boiynşa "halyqtyŋ sanitariialyq-epidemiologiialyq salamattylyǧy salasyndaǧy QR zaŋnamasynyŋ talaptaryn, sondai-aq adam densaulyǧyna ziian keltıruge äkep soqpaǧan gigienalyq normativterdı, tehnikalyq reglamentterdı būzu" boiynşa jalpy somasy 1600 AEK (5 520 000 teŋge) äkımşılık jauapkerşılıkke tartyldy", – Pavlodar oblysynyŋ sanitarlyq-epidemiologiialyq baqylau departamentınen habarlady.
