"قاتەرلى ىسىككە شالدىعىپ، ارباعا تاڭىلدى" دەگەن بولات نازارباەۆتىڭ تۇساۋكەسەر راسىمىنە قاتىسقان ۆيدەوسى تاراپ، جەلىنى شۋلاتتى. بۇل تۋرالى "ادىرنا" ۇلتتىق پورتالى جازادى.
ۆيدەونى الەۋمەتتىك جەلىگە gulbanu1991 ەسىمدى TikTok قولدانۋشىسى جاريالاپ، كەيىن ءوشىرىپ تاستاعان. بەينەجازبادان بولات نازارباەۆتىڭ 1 جاسار قىز بالانىڭ تۇساۋىن كەسىپ، قولىنان جەتەكتەپ جاتقانىن اڭعارۋىمىزعا بولادى.
– شاماسى، بولات نازارباەۆ «ءولىم دەرتىنەن» ايىعىپ كەتكەنگە ۇقسايدى. كەيبىر telegram-ارنالار ەكس-ەلباسىنىڭ ءىنىسىنىڭ دەنساۋلىعىن وسىلاي سيپاتتاپ جاتىر. ول تۇساۋكەسەر راسىمىنە قۋانا قاتىسىپ ءجۇر" – دەپ جازدى Elmedia.
ەستەرىڭىزگە سالا كەتەيىك، وسىدان تۋرا ءبىر جىل بۇرىن شىلدە ايىندا بولات نازارباەۆتىڭ تۋىسقاندارى ەكسپرەسس-ك باسىلىمىنا ەكسكليۋزيۆ سۇحبات بەرىپ، اكەلەرىنىڭ "قاتەرلى ىسىككە" شالدىعىپ، ارباعا تاڭىلعانىن جەتكىزگەن ەدى.
"ادىرنا" ۇلتتىق پورتالى
