لۋكاشەنكو مەملەكەتكە وپاسىزدىق جاساعانداردى ءولىم جازاسىنا كەسۋ تۋرالى زاڭعا قول قويدى

2007
Adyrna.kz Telegram

بەلارۋس پرەزيدەنتى الەكساندر لۋكاشەنكو ەكسترەميزم جانە مەملەكەتكە قارسى ارەكەتتەر ءۇشىن قىلمىستىق جاۋاپكەرشىلىكتى كۇشەيتۋ تۋرالى زاڭعا قول قويدى. وعان سايكەس شەنەۋنىكتەر مەن اسكەري قىزمەتكەرلەرگە مەملەكەتكە وپاسىزدىق جاساعانى ءۇشىن ءولىم جازاسى ەنگىزىلەدى. ءتيىستى مالىمدەمەنى ەل باسشىسىنىڭ ءباسپاسوز قىزمەتى جاريالادى، دەپ حابارلايدى «ادىرنا» ءتىلشىسى.

قۇجاتتىڭ نەگىزگى ماقساتى – ەكسترەميستىك جانە مەملەكەتكە قارسى باعىتتاعى قىلمىستارمەن كۇرەستى كۇشەيتۋ.

سونداي-اق لۋكاشەنكو قول قويعان زاڭدا «مەملەكەتكە قارسى بىرقاتار قىلمىستار» ءۇشىن 50 مىڭ نەگىزگى بىرلىككە دەيىن (732,4 مىڭ دوللار) ايىپپۇل تۇرىندەگى قوسىمشا جازا قاراستىرىلعان.

پىكىرلەر