حVI عاسىردا ەليزاۆەتا ءى سارايىندا كەڭەسشى بولعان تۇڭعىش قازاق قىزى انىقتالدى. بۇل تۋرالى قازاقتىڭ قايراتكەر قىزى قاراكوز اسقارقىزى سۇلەيمەنوۆا ءوزىنىڭ Instagram پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
“قۇرمەتتى، قازاق حالقى! ايەلدەر مەرەكەسى قارساڭىندا تاريحي جاڭالىقتى وزدەرىڭىزگە جەتكىزىپ وتىرمىن.
حالقىمىزعا ەۋروپانى باعىندىرعان قازاق ايەلىنىڭ ەسىمى قايتا ورالدى. بەلگىلى عالىم، ساياساتتانۋ عىلىمدارىنىڭ دوكتورى، فيلولوگيا عىلىمدارىنىڭ كانديداتى مۇحيت-ارداگەر سىدىقنازاروۆ ارۋ سۇلتان ەسىمىن قازاق حالقىنا تاريحي جاڭالىق رەتىندە اشىپ وتىر.
سوناۋ 1561 جىلى ەۋروپاداعى پاتشا سارايىنا ساياحاتتاپ بارىپ، ەليزاۆەت I -ءنىڭ بەدەلدى قىزمەتكەرى، ءسان جونىندەگى كەڭەسشىسى اتانىپ، ءتىپتى وكىل قىزى رەتىندە قابىلدانعان قازاقتىڭ قارشاداي قىزى بەلگىلى بولدى. بۇل ۇلكەن تاريحي اشىلۋ!
ال مىناۋ پورترەت قازاق ەلىنە كەلگەن تۇڭعىش كوشىرمە. قازىرگى تاڭدا ۇلى-بريتانيانىڭ اتاقتى مۋزەيىندە تۇر”،- دەپ جازدى ول.
