2028 جىلدان باستاپ ەۋروپالىق وداق شەنگەن ۆيزالارىن تولىعىمەن ونلاين فورماتقا كوشىرۋدى جوسپارلاپ وتىر. بۇل تۋرالى Schengen News باسىلىمىجاريالادى، دەپ حابارلايدى ”ادىرنا” ۇلتتىق پورتالى.
بۇل وزگەرىستىڭ ماقساتى – ۆيزا الۋ پروتسەسىن بارىنشا جەڭىلدەتۋ. ەندى ۆيزا الۋ ءۇشىن قاعازباستىلىق پەن ۆيزالىق ورتالىقتارعا بارۋ قاجەت بولمايدى. ءوتىنىمدى ارنايى ونلاين پلاتفورما ارقىلى تولتىرا بەرەسىز.
تسيفرلىق ۆيزا جۇيەسى ۆيزالىق رەجيمى بار ەلدەرگە ارنالعان. ولاردىڭ قاتارىندا قازاقستان دا بار.
ەۋروپالىق وداق 2026 جىلدان باستاپ ETIAS دەپ اتالاتىن جۇيەنى ىسكە قوسۋدى كوزدەپ وتىر. بۇل — ۆيزا قاجەت ەمەس ەلدەردىڭ ازاماتتارى ءۇشىن ەۋروپاعا كىرۋگە الدىن الا بەرىلەتىن ەلەكتروندى رۇقسات. ياعني، تۋريستەر ساپارعا شىعار الدىندا ونلاين ءوتىنىم تولتىرىپ، رۇقسات الادى.
