وتباسى بانكىندە («بايتەرەك» حولدينگىنىڭ ەنشىلەس ۇيىمى) دەپوزيت اشىپ، باسپاناعا قاراجات جيناقتاۋ باستاماسى كوپ جاعدايدا ايەلدەرگە تيەسىلى.
تۇرعىن ءۇي قۇرىلىس جيناق جۇيەسىنە 2,2 ترلن تەڭگەدەن استام قارجى تارتىلعان بولسا، بۇل سومانىڭ تۋرا جارتىسىن قازاقستاندىق ايەلدەر جيناعان. قازىرگى ۋاقىتتا وتباسى بانكىندە 1,5 ملن جۋىق دەپوزيتتى، ياكي بەلسەندى جيناق شوتتارىنىڭ جالپى سانىنىڭ 68% ايەلدەر اشقان.
وتباسى بانكىندە قازاقستاندىق قىز-كەلىنشەكتەرمەن جيناقتالعان دەپوزيتتەردىڭ اراسىنداعى ەڭ جوعارعى سوما 53 ملن تەڭگە.
– ورتا ەسەپپەن العاندا، قازاقستاندىق ايەلدەر نەسيە العانعا دەيىن وتباسى بانكىندە اقشاسىن دەپوزيتكە ورتا ەسەپپەن 6-10 جىل جينايدى. دەنى – الماتى، استانا جانە شىمكەنت قالالارىنىڭ ازاماتشالارى. سونىمەن قاتار، بانك كليەنتتەرىنىڭ بالالارىنىڭ بولاشاعىن ويلايتىنى دا قۋانتادى. ويتكەنى، قازىر بانكتە 230 مىڭعا جۋىق بالالار دەپوزيتى اشىلعان. انالاردىڭ مۇنداي كورەگەندىگى بولاشاقتا جاقسى قىزمەت ەتەتىنىنە سەنىمدىمىن. راسىندا دا، كامەلەتكە تولعانعا دەيىن بالالارى ءوز شارشى مەترلەرىنىڭ يەسى اتانا الادى، – دەيدى «وتباسى بانك» اق باسقارما ءتورايىمى ءلاززات يبراگيموۆا.
بانكتەن نەسيە الۋشىلار اراسىندا ايەلدەر سانى باسىم (54,7%). ال پاتەر نەمەسە ءۇي ساتىپ الۋ ءۇشىن نەسيە الاتىن بۇرىمدىلاردىڭ نەگىزگى جاسى 36-45 جاس ارالىعىندا. ادەتتە، نەسيە مەرزىمى 10 جىل.
وتباسى بانكىندە ايەلدەرگە بەرىلەتىن نەسيەنىڭ ورتاشا سوماسى 11 ملن تەڭگەگە تەڭ.
بۇل رەتتە وتباسى بانك ازيا دامۋ بانكىمەن بىرلەسىپ جۇزەگە اسىرىپ جاتقان «ۇماي» ايەلدەر باعدارلاماسىنىڭ ءرولى زور بولدى. جوبانى قارجىلاندىرۋ كولەمى 38 ملرد تەڭگەگە تەڭ. العاشقى ەكى ترانش اياسىندا 2300-دەن استام قازاقستاندىق ايەلدەر جالپى سوماسى 22,4 ملرد تەڭگەنى قۇرايتىن قولجەتىمدى نەسيە الىپ، قونىس تويىن تويلاۋعا مۇمكىندىك الدى.
بيىل بانك قازاقستاندىق ايەلدەردى ودان ءارى نەسيەلەۋ ءۇشىن كەلەسى ترانشتىڭ ءبولىنۋىن كۇتۋدە.
گەندەرلىك تەپە-تەڭدىك بانك كليەنتتەرى اراسىندا عانا ەمەس، سونىمەن قاتار قىزمەتكەرلەر اراسىندا دا ساقتالادى. وتباسى بانكىندە قىزمەتكەرلەردىڭ 61 پايىزى ايەلدەر. ولار ديرەكتورلار كەڭەسى مەن باسقارمانىڭ مۇشەلەرى بولىپ تابىلادى جانە جوعارى لاۋازىمداردى اتقارادى. IT بلوگىندا قۇراستىرۋشىلار مەن تالداۋشىلاردىڭ تورتتەن ءبىرى – نازىك جاندىلار.
***
««وتباسى بانك» تۇرعىن ءۇي قۇرىلىس جيناق بانكi» اق — ەلىمىزدەگى تۇرعىن ءۇي قۇرىلىس جيناق جۇيەسىن جۇزەگە اسىراتىن بىردەن-ءبىر بانك. ۇيىم ەۋروپالىق قۇرىلىس جيناق كاسسالارى فەدەراتسياسىنا (ەقجكف) جانە حالىقارالىق تۇرعىن ءۇيدى قارجىلاندىرۋ وداعىنا كىرەدى. بانكىنىڭ جالعىز اكتسيونەرى – «بايتەرەك» ۇلتتىق باسقارۋشى حولدينگى» اق.
"ادىرنا" ۇلتتىق پورتالى
