Otbasy bankinde («Báıterek» holdınginiń enshiles uıymy) depozıt ashyp, baspanaǵa qarajat jınaqtaý bastamasy kóp jaǵdaıda áıelderge tıesili.
Turǵyn úı qurylys jınaq júıesine 2,2 trln teńgeden astam qarjy tartylǵan bolsa, bul somanyń týra jartysyn qazaqstandyq áıelder jınaǵan. Qazirgi ýaqytta Otbasy bankinde 1,5 mln jýyq depozıtti, ıakı belsendi jınaq shottarynyń jalpy sanynyń 68% áıelder ashqan.
Otbasy bankinde qazaqstandyq qyz-kelinshektermen jınaqtalǵan depozıtterdiń arasyndaǵy eń joǵarǵy soma 53 mln teńge.
– Orta eseppen alǵanda, qazaqstandyq áıelder nesıe alǵanǵa deıin Otbasy bankinde aqshasyn depozıtke orta eseppen 6-10 jyl jınaıdy. Deni – Almaty, Astana jáne Shymkent qalalarynyń azamatshalary. Sonymen qatar, bank klıentteriniń balalarynyń bolashaǵyn oılaıtyny da qýantady. Óıtkeni, qazir bankte 230 myńǵa jýyq balalar depozıti ashylǵan. Analardyń mundaı kóregendigi bolashaqta jaqsy qyzmet etetinine senimdimin. Rasynda da, kámeletke tolǵanǵa deıin balalary óz sharshy metrleriniń ıesi atana alady, – deıdi «Otbasy bank» AQ Basqarma tóraıymy Lázzat Ibragımova.
Bankten nesıe alýshylar arasynda áıelder sany basym (54,7%). Al páter nemese úı satyp alý úshin nesıe alatyn burymdylardyń negizgi jasy 36-45 jas aralyǵynda. Ádette, nesıe merzimi 10 jyl.
Otbasy bankinde áıelderge beriletin nesıeniń ortasha somasy 11 mln teńgege teń.
Bul rette Otbasy bank Azııa damý bankimen birlesip júzege asyryp jatqan «Umaı» áıelder baǵdarlamasynyń róli zor boldy. Jobany qarjylandyrý kólemi 38 mlrd teńgege teń. Alǵashqy eki transh aıasynda 2300-den astam qazaqstandyq áıelder jalpy somasy 22,4 mlrd teńgeni quraıtyn qoljetimdi nesıe alyp, qonys toıyn toılaýǵa múmkindik aldy.
Bıyl bank qazaqstandyq áıelderdi odan ári nesıeleý úshin kelesi transhtyń bólinýin kútýde.
Genderlik tepe-teńdik bank klıentteri arasynda ǵana emes, sonymen qatar qyzmetkerler arasynda da saqtalady. Otbasy bankinde qyzmetkerlerdiń 61 paıyzy áıelder. Olar Dırektorlar keńesi men Basqarmanyń músheleri bolyp tabylady jáne joǵary laýazymdardy atqarady. IT blogynda qurastyrýshylar men taldaýshylardyń tórtten biri – názik jandylar.
***
««Otbasy bank» turǵyn úı qurylys jınaq banki» AQ — elimizdegi turǵyn úı qurylys jınaq júıesin júzege asyratyn birden-bir bank. Uıym Eýropalyq qurylys jınaq kassalary federaııasyna (EQJKF) jáne Halyqaralyq turǵyn úıdi qarjylandyrý odaǵyna kiredi. Bankiniń jalǵyz akıoneri – «Báıterek» Ulttyq basqarýshy holdıngi» AQ.
"Adyrna" ulttyq portaly
