جەكسەنبى كۇنى تاۋلى قاراباقتا ارمەنيا پوليتسياسى مەن ءازىربايجان اسكەريلەرى اراسىندا اتىس بولدى، دەپ حابارلايدى «ادىرنا» ءتىلشىسى.
تاراپتار بۇل اتىس تۋرالى ەكى ءتۇرلى اقپارات تاراتىپ وتىر.
ءازىربايجان قورعانىس مينيسترلىگىنىڭ مالىمدەۋىنشە، اسكەريلەر قارۋ-جاراق پەن وق-ءدارى تاسىمالداۋى مۇمكىن كولىكتى تەكسەرمەك بولعان.
«كولىكتى توقتاتىپ، تەكسەرمەك بولعان ەكى جاۋىنگەرىمىز قازا تاپتى. اتىس وسى وقيعادان سوڭ باستالدى»،—دەيدى مينيسترلىك.
ال ەكىنشى تاراپ ارميان پوليتسەيلەرىنىڭ جۇمىسقا بارا جاتىپ، قورشاۋعا تۇسكەنىن العا تارتىپ وتىر. ايتۋلارىنشا، اتىس سالدارىنان 3 اسكەري قازا تاپقان. ەلدىڭ سىرتقى ىستەر مينيسترلىگى قارۋ-جاراق تاسىمالدادى دەگەن ايىپتاۋلاردى جوققا شىعاردى.
«اسكەريلەردىڭ قولىندا قۇجاتتارى جانە تەك قىزمەتتىك قارۋ بولدى»،—دەيدى ارمەنيانىڭ سىرتقى ىستەر مينيسترلىگى.
