قازاقستان سپورتشىسى شاۆكات راحمونوۆ (16-0) لاس-ۆەگاستا (اقش) وتكەن UFC 285 ارالاس جەكپە-جەك باسەكەسىندە جەڭىسكە جەتتى، دەپ حابارلايدى “ادىرنا” ۇلتتىق پورتالى.
ول امەريكاندىق بەلگىلى فايتەر دجەفف نيلمەن (15-4) شەبەرلىك بايقاستى. ناتيجەسىندە ءۇشىنشى راۋندتا ونى تۇنشىقتىرۋ ادىسىمەن جەڭىپ كەتتى.
ايتا كەتەيىك، جەكپە-جەك الدىندا دجەفف نيل UFC ورتا سالماقتاعى رەيتينگىندە شاۆكات راحمونوۆتان الدا تۇردى. رەيتينگتە امەريكاندىق سپورتشى جەتىنشى ورىنعا جايعاسسا، قازاقستاندىق ونىنشى ورىنعا تۇراقتاعان ەدى.
وسىلايشا شاۆكات راحمونوۆ كاسىپقوي ماڭسابىنداعى ون جەتىنشى جەڭىسىنە قول جەتكىزدى. ازىرگە ەشقانداي جەڭىلىستىڭ اششى ءدامىن تاتقان جوق. ال دجەفف نيل بەسىنشى مارتە قارسىلاستارىنا ەسە جىبەردى.
