اقش اكىمشىلىگى رەسەيگە قارسى سانكتسيالاردىڭ بۇزىلۋىن تەكسەرەتىن فەدەرالدى پروكۋرورلاردىڭ شتاتىن كەڭەيتىپ جاتىر. بۇل تۋرالى Wall Street Journal جازدى، دەپ حابارلايدى «ادىرنا» ءتىلشىسى.
باس پروكۋروردىڭ كومەكشىسى مەتت ولسەننىڭ ايتۋىنشا، ادىلەت دەپارتامەنتى قارسى بارلاۋ قىزمەتى مەن ەكسپورتتى باقىلاۋ دەپارتامەنتىنە 25 جاڭا پروكۋروردى قوسادى.
جاڭا پروكۋرورلار سانكتسيالاردان جالتارۋ جاعدايلارىن تەرگەۋ ءۇشىن كورپوراتسيالارمەن جۇمىس ىستەيدى، سونداي-اق بۇزۋشىلىقتار انىقتالعان جاعدايدا كومپانيالاردى قىلمىستىق جاۋاپكەرشىلىككە تارتادى. مامانداردىڭ كەيبىرى جاڭادان قابىلدانعان، ال كەيبىرى باسقا دەپارتامەنتتەردەن اۋىستىرىلعان.
