بۇگىننەن باستاپ جەكە تۇلعالاردىڭ بانكروتتىعى بويىنشا وتىنىشتەر قابىلداۋ باستالادى، دەپ حابارلايدى «ادىرنا» ءتىلشىسى.
ءوتىنىشتى egov.kz سايتىندا جانە eGov Mobile مەن e-Salyq اzamat ءموبيلدى قوسىمشالارى مەن حالىققا قىزمەت كورسەتۋ ورتالىقتارىندا بەرۋگە بولادى. ول 14 كۇن ىشىندە قارالىپ، جاۋابى sms حابارلاما تۇرىندە كەلەدى.
سوتتان تىس بانكروت بولۋ قىزمەتىنە بانك، ميكروقارجىلىق جانە كوللەكتورلىق ۇيىمدارعا قارىزى بار ادامدار جۇگىنە الادى.
سوتقا ارىزدانباي، بانكروت بولۋدىڭ شارتتارى:
بەرەشەك 1 600 اەك-تەن اسپاۋى كەرەك، بيىل ونىڭ مولشەرى 5 ملن 520 مىڭ تەڭگە;
قارىز 12 اي بويى تولەنبەۋگە ءتيىس;
مۇلىك، ونىڭ ىشىندە ورتاق مەنشىكتەگى مۇلىگى بولماۋى شارت;
بانكپەن قارىز بويىنشا رەتتەۋ جۇمىستارى جۇرگىزىلگەن بولۋى كەرەك.
سونداي-اق التى اي بويى اتاۋلى الەۋمەتتىك كومەك العان ازامات تا سوتتان تىس بانكروتتىققا جۇگىنە الادى.
