«ءبىز قازاقستانداعى اەس قۇرىلىسىن قولدايمىز!»: اەس قۇرىلىسى قىزۋ تالقىعا تۇسۋدە

2073
Adyrna.kz Telegram

قازاقستانداعى اەس قۇرىلىسىنا قاتىستى پەتيتسيا تالقىلانىپ جاتىر. جاڭا ەنەرگەتيكا كوزىن قولداۋشىلار حالىقتى قولداۋعا شاقىرۋدا. 

بۇگىندە قازاقستانداعى اەس قۇرىلىسى قوستاراپتىق پىكىرمەن تالقىعا تۇسۋدە. ۇلكەن اۋىلىنىڭ تۇرعىندارى ەنەرگەتيكا تاپشىلىعى گلوبالدى ماسەلە ەكەنىن جانە اەس بۇل پروبلەمامەن كۇرەسۋدىڭ بىردەن-ءبىر جولى ەكەنىن ايتۋدا:

«ەكىباستۇزدىقتاردىڭ ايازدىڭ ورتاسىندا جارىق پەن جىلۋسىز قالعانى ءبارىمىزدىڭ ەسىمىزدە. 10 جىلدان كەيىن، ەگەر بۇگىن شارا قولدانىلماسا، مۇنداي جاعدايدا جارتى ەل سۋىقتا قاتىپ قالارى انىق. بىرىنشىدەن، اتوم ەلەكتر ستانتسياسى پارنيكتىك گازدار شىعارمايدى جانە كومىر نەمەسە تابيعي گاز ستانتسياسىنا قاراعاندا الدەقايدا از وتىن تۇتىنادى. اتوم رەاكتورى ەلەكتر ەنەرگياسىنىڭ ماكسيمالدى كولەمىن تاۋلىك بويى 60 جىل نەمەسە ودان دا كوپ ۋاقىت بويى وندىرە الادى.
ەكىنشىدەن، اتوم ەنەرگياسى ەكولوگيالىق تازا جانە قاۋىپسىز! ول بۇكىل الەمدە جاسىل دەپ تانىلدى. عالىمدار زاماناۋي رەاكتورلاردىڭ قاۋىپسىزدىگى مەن سەنىمدىلىگىن راستايدى. ۇشىنشىدەن، اەس قۇرىلىسى ءوڭىر مەن ەل ەكونوميكاسىنىڭ دامۋىنا الىپ كەلەدى. الەۋمەتتىك سالا، عىلىم داميدى، جاڭا تەحنولوگيالار، ءوندىرىس پايدا بولادى. ۇلكەن اۋىلىنىڭ ورنىندا تۇتاس قالا پايدا بولادى. تورتىنشىدەن، اەس سالۋ جانە ىسكە قوسۋ ءبىزدىڭ ءوڭىردىڭ تۇرعىندارى ءۇشىن عانا ەمەس، بۇكىل قازاقستاننىڭ ماماندارى ءۇشىن دە جاڭا جۇمىس ورىندارىن اشادى. بەسىنشىدەن، قازاقستان اتوم ەنەرگەتيكاسىن دامىتۋ ءۇشىن ۇلكەن الەۋەتكە يە. ءبىزدىڭ ەلىمىز ۋران ءوندىرۋ بويىنشا الەمدە ءبىرىنشى ورىندا. بىزدە يادرولىق وتىن وندىرىلەدى. اتوم ەنەرگەتيكاسىنىڭ بولاشاعى زور. الەمنىڭ بارلىق الدىڭعى قاتارلى ەلدەرى اتوم ەنەرگەتيكاسىنا كوشتى جانە ول بىزگە دە كەرەك» دەلىنگەن ۇلكەن اۋىلى تۇرعىندارى جاريالاعان پەتيتسيا ماتىنىندە.

پەتيتسياعا قاتىستى بەلگىلى ەنەرگەتيك جاقىپ حايرۋشەۆ پىكىر ءبىلدىردى. ول ءوزىنىڭ Telegram ارناسىندا جاڭارتىلعان ەنەرگيا كوزدەرىن (جەك) ەشكىم شەكتەمەيتىنىن جانە زامان تالابىنا ساي ءتيىمدى ەنەرگيا كوزىن قولداۋ قاجەت ەكەنىن اتاپ ءوتتتى:

«تولىقتاي كەلىسەمىن. جەك-ءتى ەشكىم شەكتەمەيدى. بۇل سالا قارقىندى دامىپ كەلەدى، جاقسى قارقىن الۋدا، كوپتەگەن ينۆەستورلار دا بار. اەس — كە كەلەتىن بولساق، بۇل ەنەرگيانىڭ مۇلدەم باسقا سەگمەنتى جانە ءبىز ونى دا دامىتۋىمىز كەرەك. جەلىدە اتوم ەلەكتر ستانتسياسىنىڭ قۇرىلىسىن قورعاۋ تۋرالى پەتيتسيا پايدا بولدى. راس، ونىڭ اۆتورى كىم ەكەنىن بىلمەيمىن، بىراق ءوز باسىم «قولدايمىن»دەپ داۋىس بەردىم. ارتىق بولمايدى. سوندىقتان مەن زاماناۋي، سەنىمدى جانە ەكولوگيالىق تازا ەنەرگيانىڭ بارلىق جاقتاستارىن دا ءوز داۋىستارىن قالدىرۋعا شاقىرامىن» دەدى جاقىپ مىرزا.

پەتيتسيا ءماتىنىن وسى سىلتەمەدەن وقىپ، ءوز داۋسىڭىزدى قالدىرا الاسىز: https://alash.online/1544-ulken.html

پىكىرلەر