بۇگىن «اۋىل» پارتياسىنان قر پارلامەنتى ءماجىلىسىنىڭ جانە استانا قالاسى ءماسليحاتىنىڭ دەپۋتاتتىعىنا كانديداتتار «استانا ەلەكتروتەحنيكالىق زاۋىتى» جشس ەڭبەك ۇجىمىمەن كەزدەستى. كەزدەسۋ بارىسىندا كانديداتتار ۇگىت-ناسيحات جۇمىستارىن جۇرگىزىپ، قىزمەتكەرلەرگە «اۋىل» پارتياسىنىڭ سايلاۋالدى باعدارلاماسىنىڭ نەگىزگى باعىتتارىن تانىستىردى.
«اۋىل» پارتياسىنان ءماجىلىس دەپۋتاتتىعىنا كانديدات نيكولاي ارسيۋتين سايلاۋالدى باعدارلامانىڭ باستى باعىتتارىنىڭ ءبىرى – ازىق-تۇلىك قاۋىپسىزدىگىن قامتاماسىز ەتۋدى ەڭبەك ۇجىمىنىڭ مۇشەلەرىنە ءتۇسىندىردى.
«تاۋەلسىزدىك العان 30 جىل بويى، ونىڭ ىشىندە سوڭعى 2-3 جىلدا ازىق-تۇلىك باعاسى وسۋدە. بۇنى كەز كەلگەن ادامنىڭ قالتاسى كوتەرە بەرمەيدى. سوندىقتان «اۋىل» پارتياسى حالىقتىڭ تابىسىن، الەۋمەتتىك قىزمەتتەردىڭ، اتاپ ايتقاندا دەنساۋلىق ساقتاۋ، ءبىلىم بەرۋ، مادەنيەت ساپاسىن ارتتىرۋعا نيەتتى. سونداي-اق، ءبىز انا ءتىلدى نىعايتۋعا، حالىقتىڭ رۋحىن جانداندىرۋعا جانە قازاقستاندىقتاردىڭ ساناسىن جاڭعىرتۋىنا ءوز ۇلەسىمىزدى قوسقىمىز كەلەدى»، - دەپ اتاپ ءوتتى نيكولاي ارسيۋتين.
سونىمەن قاتار كەزدەسۋ اياسىندا كانديداتتار قالادا ءومىر ءسۇرۋدىڭ جايلىلىعى مەن قاۋىپسىزدىگىن قامتاماسىز ەتۋ، تۇرعىن ءۇي-كوممۋنالدىق شارۋاشىلىعىن دامىتۋ سياقتى تاقىرىپتاردى كوتەردى. ۇگىت-ناسيحات توبى قازاقستاندىق قوعامدا وتباسىنىڭ، انا مەن جاستاردىڭ ءرولىن ارتتىرۋدىڭ ماڭىزدىلىعىن مالىمدەدى. اۋىل مەن اۋىل شارۋاشىلىعىن دامىتۋ ارقىلى بارلىق الەۋمەتتىك-ەكونوميكالىق ماسەلەنى تۇبەگەيلى شەشۋگە بولاتىنىن ايتىپ، ءىس-شارانى قورىتىندىلادى. جۇمىسشىلار بولسا «اۋىل» پارتياسىنىڭ باستامالارىن قولدادى.
استانا ەلەكتروتەحنيكالىق زاۋىتىنىڭ قىزمەتكەرلەرىمەن كەزدەسۋدەن كەيىن كانديداتتار استانا قالاسىنىڭ №2 ءبىر مانداتتى سايلاۋ وكرۋگى بويىنشا «اۋىل» پارتياسىنان ءماجىلىس دەپۋتاتتىعىنا كانديدات تولەۋتاي راقىمبەكوۆتىڭ سايلاۋالدى شتابىنا باردى.
«بۇگىن پارتيالاس كانديداتتارمەن پارتيانىڭ الدىڭعى سايلاۋدا جيناقتاعان تاجىريبەسىنە جانە وسى ۇگىت-ناسيحات ناۋقانىنىڭ باسىندا سايلاۋشىلاردىڭ بولىسكەن پىكىرلەرى مەن ۇسىنىستارىنا سۇيەنە وتىرىپ، الداعى ۋاقىتقا ناقتى ۇگىت-ناسيحات جۇمىستارىن جۇرگىزۋ تاكتيكاسىن تالقىلادىق»، - دەدى تولەۋتاي راقىمبەكوۆ.
ماتەريالدىڭ اقىسى «اۋىل» حدپپ سايلاۋ قورى قاراجاتىنان تولەندى.
