Búgin «Aýyl» partııasynan QR Parlamenti Májilisiniń jáne Astana qalasy máslıhatynyń depýtattyǵyna kandıdattar «Astana elektrotehnıkalyq zaýyty» JShS eńbek ujymymen kezdesti. Kezdesý barysynda kandıdattar úgit-nasıhat jumystaryn júrgizip, qyzmetkerlerge «Aýyl» partııasynyń saılaýaldy baǵdarlamasynyń negizgi baǵyttaryn tanystyrdy.
«Aýyl» partııasynan Májilis depýtattyǵyna kandıdat Nıkolaı Arsıýtın saılaýaldy baǵdarlamanyń basty baǵyttarynyń biri – azyq-túlik qaýipsizdigin qamtamasyz etýdi eńbek ujymynyń múshelerine túsindirdi.
«Táýelsizdik alǵan 30 jyl boıy, onyń ishinde sońǵy 2-3 jylda azyq-túlik baǵasy ósýde. Buny kez kelgen adamnyń qaltasy kótere bermeıdi. Sondyqtan «Aýyl» partııasy halyqtyń tabysyn, áleýmettik qyzmetterdiń, atap aıtqanda densaýlyq saqtaý, bilim berý, mádenıet sapasyn arttyrýǵa nıetti. Sondaı-aq, biz ana tildi nyǵaıtýǵa, halyqtyń rýhyn jandandyrýǵa jáne qazaqstandyqtardyń sanasyn jańǵyrtýyna óz úlesimizdi qosqymyz keledi», - dep atap ótti Nıkolaı Arsıýtın.
Sonymen qatar kezdesý aıasynda kandıdattar qalada ómir súrýdiń jaılylyǵy men qaýipsizdigin qamtamasyz etý, turǵyn úı-kommýnaldyq sharýashylyǵyn damytý sııaqty taqyryptardy kóterdi. Úgit-nasıhat toby qazaqstandyq qoǵamda otbasynyń, ana men jastardyń rólin arttyrýdyń mańyzdylyǵyn málimdedi. Aýyl men aýyl sharýashylyǵyn damytý arqyly barlyq áleýmettik-ekonomıkalyq máseleni túbegeıli sheshýge bolatynyn aıtyp, is-sharany qorytyndylady. Jumysshylar bolsa «Aýyl» partııasynyń bastamalaryn qoldady.
Astana elektrotehnıkalyq zaýytynyń qyzmetkerlerimen kezdesýden keıin kandıdattar Astana qalasynyń №2 bir mandatty saılaý okrýgi boıynsha «Aýyl» partııasynan Májilis depýtattyǵyna kandıdat Tóleýtaı Raqymbekovtyń saılaýaldy shtabyna bardy.
«Búgin partııalas kandıdattarmen partııanyń aldyńǵy saılaýda jınaqtaǵan tájirıbesine jáne osy úgit-nasıhat naýqanynyń basynda saılaýshylardyń bólisken pikirleri men usynystaryna súıene otyryp, aldaǵy ýaqytqa naqty úgit-nasıhat jumystaryn júrgizý taktıkasyn talqyladyq», - dedi Tóleýtaı Raqymbekov.
Materıaldyń aqysy «Aýyl» HDPP saılaý qory qarajatynan tólendi.
