«اۋىل» پارتياسىنىڭ قوستاناي وبلىسىنداعى فيليالى 2023 جىلعى 1 ناۋرىزدا قوستاناي قالاسىندا «اۋىل» پارتياسىنان قر پارلامەنتى ءماجىلىسىنىڭ دەپۋتاتتىعىنا پارتيالىق ءتىزىمى بويىنشا كانديدات قايرات ايتۋعانوۆ، نيكولاي ارسيۋتين، سوفيا ابدىرازاقوۆا، سۆەتلانا پروكوپەۆا، رابيعا توقسەيىتوۆا، بەرىكجان قايىپباي قاتىسقان «اوك فەرمەرلەر اتا-انالارىنىڭ ايتۋمەن» اتتى دوڭگەلەك ۇستەل ۇيىمداستىردى.
ەكى بولىمنەن تۇرعان شاراعا «فەرمەرلەردىڭ اتا-انالارى» قاتارىنان وتباسىلىق اگرارلىق اۋلەتتەردىڭ نەگىزىن قالاۋشىلار، فەرمەرلەردىڭ اتا-انالارى مەن تۋىستارى، ستۋدەنت جاستار، «اۋىل» پارتياسى مۇشەلەرى، اوك، ءبىلىم جانە مادەنيەت وكىلدەرى قاتىستى. شارا «بارلىعى تىڭدالۋى ءتيىس!» ۇرانىمەن ءوتتى. شارانىڭ باستى ماقساتى وسى – ءبارىن تىڭداۋ بولاتىن. «مەملەكەت تاراپىنان فەرمەرلەرگە ءبولىنىپ جاتقان كومەكتىڭ ولارعا ۇلكەن ماشاقاتپەن جىرىمدالىپ جەتەتىنى، ءتىپتى جەتپەيتىنى بۇگىندە بارشاعا ايان. جانى كۇيگەن جاس فەرمەر ىشكى قىجىلىن جانىنداعى جاقىنىنا عانا ايتادى. ارى قاراي شىقپاي ىشتە شەمەن بولىپ قاتادى. بۇل وتە شەتىن جانە قاۋىپتى ماسەلە. مۇمكىن بالاسىنىڭ ايتا الماي جۇرگەنىن اتا-اناسى ايتار. سوندىقتان دا فەرمەرلەردىڭ اتا-انالارىن جيناپ، مۇڭ-مۇقتاجعا قۇلاق ءتۇرىپ جيىن وتكىزىپ جاتىرمىز. «اۋىل» پارتياسى اۋىل پروبلەماسىن وتە جاقسى بىلەدى جانە ولاردى شەشۋ بويىنشا ناقتى وزىندىك كوزقاراسى بار. ءبىزدىڭ ساياسي پلاتفورمامىزدا جالپى اۋىلدىق اۋماقتاردى جانە ءاربىر اۋىلدىق ەلدى مەكەندى دامىتۋعا، اتاپ ايتقاندا، ولاردىڭ وتكىر تۇرعان ەكونوميكاسى، الەۋمەتتىك، ينجەنەرلىك جانە وندىرىستىك ينفراقۇرىلىمى ماسەلەلەرىنە ماڭىزدى ءرول بەرىلگەن. «اۋىل» پارتياسى ماجىلىسكە بارعاندا وسى ۇستانىمداردى ودان ءارى قورعاپ، قولدا بار بارلىق ىقپال ەتۋ تەتىكتەرى مەن رەسۋرستاردى پايدالانا وتىرىپ، باعدارلامالىق قۇجاتتارىن ىسكە اسىراتىن بولادى. ءبىز ءۇشىن اۋىل ارقاشان باسىمدىق پەن قۇرمەتكە يە»، -دەدى دوڭگەلەك ۇستەلگە كەلگەندەر الدىندا ءسوز العان ءماجىلىس دەپۋتاتتىعىنا پارتيالىق ءتىزىمى بويىنشا كانديدات قايرات ايتۋعانوۆ.
«اۋىل» پارتياسىنىڭ سايلاۋالدى باعدارلاماسىمەن جان جاقتى تانىسقان، ونىڭ بالالارى ايتا الماي جۇرگەن ماسەلەلەردى شەشۋگە باعىتتالعانىنا كوز جەتكىزگەن اتا-انا ءوز تاراپتارىنان اماناتتار مەن ۇسىنىستار بەردى. جيىنعا قاتىسقان 250-گە جۋىق ادام – اتا-انالار، جاستاردا «اۋىل» پارتياسىنىڭ كانديداتتارىمەن كەزدەسۋدەن كەيىن اۋىلدىڭ، اۋىل شارۋاشىعىنىڭ بولاشاعىنا دەگەن ءۇمىت، جاڭاشا كوزقاراس پايدا بولدى. شارانىڭ ەكىنشى بولىگى تۇستەن كەيىن قوستاناي اۋدانى، زارەچنوە اۋىلىندا ورنالاسقان «قازاق تۇلپارى» جشس جىلقى زاۋىتىنىڭ اۋماعىندا جالعاستى. قر پارلامەنتى ماجىلىسىنە جانە «اۋىل» پارتياسىنان بارلىق دەڭگەيدەگى ماسليحاتتارعا كانديداتتار قوستاناي وبلىسىنىڭ اوك وكىلدەرىمەن «قوستاناي جىلقى تۇقىمىن دامىتۋ ماسەلەلەرىن انىقتاۋ جانە شەشۋ» تاقىرىبىندا تالقى جاسادى. ودان كەيىن دەلەگاتسيا اتالعان اۋىلداعى «زارەچنوە» اۋىل شارۋاشىلىعى تاجىريبە ستانتسياسى» جشس عىلىمي وندىرىستىك مەكەمەگە بارىپ، ماشينا-تراكتور پاركىنىڭ كوكتەمگى ەگىس جۇمىستارىنا دايىندىق بارىسىن بارلادى. كۆازيمەملەكەتتىك مەكەمەنىڭ بۇگىندە شارۋاسى شاتقاياقتاپ تۇر. وندىرىستە جۇرگەن عالىمدار وسى ماسەلەنى قوزعادى. «اۋىل» پارتياسىنىڭ باعدارلاماسىمەن تانىسقان ولار وزدەرىنىكىندەي مەكەمەنىڭ كۇنى ەندى تۋاتىنىنا، عىلىمنىڭ داميتىنىنا كوزدەرىن جەتكىزدى.
ماتەريالدىڭ اقىسى «اۋىل» حدپپ سايلاۋ قورى قاراجاتىنان تولەندى.
