«Aýyl» partııasynyń ókilderi Qostanaıda fermerlerdiń ata-analarymen kezdesti

1794
Adyrna.kz Telegram

«Aýyl» partııasynyń Qostanaı oblysyndaǵy fılıaly 2023 jylǵy 1 naýryzda Qostanaı qalasynda «Aýyl» partııasynan QR Parlamenti Májilisiniń depýtattyǵyna partııalyq tizimi boıynsha kandıdat Qaırat Aıtýǵanov, Nıkolaı Arsıýtın, Sofııa Ábdirazaqova, Svetlana Prokopeva, Rabıǵa Toqseıitova, Berikjan Qaıypbaı qatysqan «AÓK fermerler ata-analarynyń aıtýmen» atty dóńgelek ústel uıymdastyrdy.

Eki bólimnen turǵan sharaǵa  «Fermerlerdiń ata-analary» qatarynan otbasylyq agrarlyq áýletterdiń negizin qalaýshylar, fermerlerdiń ata-analary men týystary, stýdent jastar, «Aýyl» partııasy músheleri, AÓK, bilim jáne mádenıet ókilderi qatysty. Shara «Barlyǵy tyńdalýy tıis!» uranymen ótti. Sharanyń basty maqsaty osy – bárin tyńdaý bolatyn. «Memleket tarapynan fermerlerge bólinip jatqan kómektiń olarǵa úlken mashaqatpen jyrymdalyp jetetini, tipti jetpeıtini búginde barshaǵa aıan. Jany kúıgen jas fermer ishki qyjylyn janyndaǵy jaqynyna ǵana aıtady. Ary qaraı shyqpaı ishte shemen bolyp qatady. Bul óte shetin jáne qaýipti másele.  Múmkin balasynyń aıta almaı júrgenin ata-anasy aıtar. Sondyqtan da fermerlerdiń ata-analaryn jınap, muń-muqtajǵa qulaq túrip jıyn ótkizip jatyrmyz. «Aýyl» partııasy aýyl problemasyn óte jaqsy biledi jáne olardy sheshý boıynsha naqty ózindik kózqarasy bar. Bizdiń saıası platformamyzda jalpy aýyldyq aýmaqtardy jáne árbir aýyldyq eldi mekendi damytýǵa, atap aıtqanda, olardyń ótkir turǵan ekonomıkasy, áleýmettik, ınjenerlik jáne óndiristik ınfraqurylymy máselelerine mańyzdy ról berilgen. «Aýyl» partııasy Májiliske barǵanda osy ustanymdardy odan ári qorǵap, qolda bar barlyq yqpal etý tetikteri men resýrstardy paıdalana otyryp, baǵdarlamalyq qujattaryn iske asyratyn bolady. Biz úshin aýyl árqashan basymdyq pen qurmetke ıe», -dedi dóńgelek ústelge kelgender aldynda sóz alǵan Májilis depýtattyǵyna partııalyq tizimi boıynsha kandıdat Qaırat Aıtýǵanov.            

«Aýyl» partııasynyń saılaýaldy baǵdarlamasymen jan jaqty tanysqan, onyń balalary aıta almaı júrgen máselelerdi sheshýge baǵyttalǵanyna kóz jetkizgen ata-ana óz  taraptarynan amanattar men usynystar berdi. Jıynǵa qatysqan 250-ge jýyq adam – ata-analar, jastarda «Aýyl» partııasynyń kandıdattarymen kezdesýden keıin aýyldyń, aýyl sharýashyǵynyń bolashaǵyna degen úmit, jańasha kózqaras paıda boldy. Sharanyń ekinshi bóligi tústen keıin Qostanaı aýdany, Zarechnoe aýylynda ornalasqan «Qazaq tulpary» JShS jylqy zaýytynyń aýmaǵynda jalǵasty.  QR Parlamenti Májilisine jáne «Aýyl» partııasynan barlyq deńgeıdegi máslıhattarǵa kandıdattar Qostanaı oblysynyń AÓK ókilderimen «Qostanaı jylqy tuqymyn damytý máselelerin anyqtaý jáne sheshý» taqyrybynda talqy jasady. Odan keıin delegaııa atalǵan aýyldaǵy «Zarechnoe» aýyl sharýashylyǵy tájirıbe stanııasy» JShS ǵylymı óndiristik mekemege baryp, mashına-traktor parkiniń kóktemgi egis jumystaryna daıyndyq barysyn barlady. Kvazımemlekettik mekemeniń búginde sharýasy shatqaıaqtap tur. Óndiriste júrgen ǵalymdar osy máseleni qozǵady. «Aýyl» partııasynyń baǵdarlamasymen tanysqan olar ózderinikindeı mekemeniń kúni endi týatynyna, ǵylymnyń damıtynyna kózderin jetkizdi.

Materıaldyń aqysy «Aýyl» HDPP saılaý qory qarajatynan tólendi.

Pikirler