«AMANAT» partııasy Qoǵamdyq saıasat ınstıtýty dırektorynyń orynbasary Dınara Sádýaqasova “Shapaǵat” bazaryna baryp, halyqtyń muń-muqtajyn bilip qaıtty. Bul týrply ol Facebook paraqshasynda da jazdy, dep habarlaıdy “Adyrna” ulttyq portaly.
“Azyq-túliktiń qymbattyǵy, basybaıly baspananyń joqtyǵy, eńbektiń aýyr jaǵdaılary – bul «Shapaǵat» bazarynyń satýshylary men kelýshileriniń maǵan aıtqan máseleleriniń keıbireýi ǵana.
Árıne, munyń bári men úshin jańalyq emes. Sebebi atalmysh problemalarmen qazir árbir qazaqstandyq betpe-bet kelip otyr. Ásirese baǵanyń ósýin men ózim dúkenge barǵan saıyn nemese tońazytqyshty ashqan saıyn sezinemin. Sondyqtan bizdiń saılaýaldy baǵdarlamamyz azamattardyń suranystaryna, olardyń kúndelikti qajettilikterine negizdelgen”, - dep jazdy ol.
Sondaı-aq, Dınara bazar satýshylaryna kómektesti. Odan bólek, halyqtyń máselelerine beı-jaı qaramaý keregin aıtyp, áriptesterin chellendjge shaqyrdy.
“Kezdesýler aıasynda aıtylǵan árbir máseleni men jan-tánimmen qabyldaımyn. Adamdar ózderiniń qıyndyqtary týraly sheshimin tabady degen úmitpen aıtady. Men bul úshin qolymnan kelgenniń bárin jasaýǵa mindetti ekenimdi sezinemin.
Meniń oıymsha, biz qandaı pozıııada bolsaq ta, saqtalýy qajet eń basty nárse – basqalardyń problemalaryna beı-jaı qaramaý, óz qalasy úshin, óz eli úshin janashyrlyq tanytý bolyp tabylady.
Sondyqtan da bizdiń Amanat Partya-synda osyndaı janashyr adamdardyń kóp ekendigine qýanyshtymyn. Jastar, qoǵam qaıratkerleri, sarapshylar ózderiniń bilimderi men tájirıbelerin bıliktiń ókildi organdarynda qoldanýǵa múmkindik aldy.
Bizge tek Sizderdiń qoldaýlaryńyz qajet! Nar táýekel! Men áriptesterimdi osy formatty qoldaýǵa jáne chellendj túrinde jalǵastyrýǵa shaqyramyn”, - dep jazdy Dınara Sádýaqasova.
