باشقۇرتستان باس كوتەردى. ولار رەسەيدەن بولىنبەك. بۇل تۋرالى جۋرناليست نۇرگەلدى ابدىعاني Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«وتكەن جىلى الەمدە ۇلى، باتىر حالىق پايدا بولدى. ول – ۋكراينا حالقى»، - دەيدى باشقۇرت ۇلتتىق ساياسي ورتالىعىنىڭ جەتەكشىسى رۋسلان گابباسوۆ.
ونىڭ ايتۋىنشا، ۋكراينا حالقى رەسەي باسقىنشىلىعىنان تەك وزدەرىن عانا قۇتقارىپ قويعان جوق، ولار وزگە دە بودانعا تۇسكەن حالىقتاردىڭ بويىنا كۇش-جىگەر دارىتتى.
«وسىدان جىل بۇرىن «ورىس الەمى» ءولىم ءدانىن سەبۋشى، زۇلىمدىق پەن قانپەزەرلىكتىڭ ناق كورسەتكىشى ەكەنىن دالەلدەپ بەردى. «ورىس الەمىندە» ءبىزدى تەك قانا ءولىم كۇتىپ تۇر. ونىڭ وزدەرى كورسەتىپ وتىر»، - دەيدى ول.
باشقۇرت ۇلتتىق قوزعالىسىنىڭ جەتەكشىسىنىڭ سوزىنشە، سوعىس باستالعاننان بەرى باشقۇرتستان ءوز تاۋەلسىزدىگى ءۇشىن كۇرەسۋ كەرەك ەكەنىن، رەسەيدەن جولىن ايىرۋ كەرەك ەكەنىن ءتۇسىندى.
«ەندى يمپەريامەن جولىمىز بولەك. باشقۇرت ۇلتتىق قوزعالىسى سانالى تۇردە باشقۇرتستاننىڭ تاۋەلسىزدىگىن تاڭدادى. مۇنداي مۇمكىندىكتى بىزگە جاراتۋشىنىڭ ءوزى بەرىپ وتىر. ەندى ءبىز سول مۇمكىندىكتى مىندەتتى تۇردە 100 پايىز تۇگەل پايدالانامىز»، – دەدى گابباسوۆ.
رەسپۋبليكا ءوز تاۋەلسىزدىگى ءۇشىن كۇرەسەتىنىن جەتكىزدى.
سوڭعى كەزدەرى رەسەي فەدەراتسياسى قۇرامىنداعى باشقۇرتستان رەسپۋبليكاسىندا ازاتتىق الۋعا بايلانىستى قوزعالىستار ءجيى بايقالا باستادى.
