اقش بارلاۋى قىزمەتىنىڭ حابارلاۋىنشا، رەسەي جاقىندا ۋكرايناداعى مەملەكەتتىك نىساندار مەن قوعامدىق ينفراقۇرىلىمدارعا شابۋىل جاسايدى. بۇل تۋرالى Reuters پەن The New York Times امەريكالىق شەنەۋنىكتىڭ مالىمدەمەسىن جاريالادى، دەپ حابارلايدى “ادىرنا” ۇلتتىق پورتالى.
اقش بيلىگى ۋكرايندىقتار قاۋىپتەن ساقتانسىن دەگەن ماقساتپەن بارلاۋ قىزمەتىنىڭ مالىمەتىن ادەيى تاراتقان.
ۋكراينا كەشە مەملەكەتتىك بايراق كۇنىن اتاپ ءوتتى
بۇگىن، 24 تامىز – ۋكراينانىڭ تاۋەلسىزدىك كۇنى. بۇنىڭ الدىندا پرەزيدەنت ۆلاديمير زەلەنسكي مەرەكە كۇندەرى رەسەي «اسا قاتىگەز ارەكەتكە» بارۋى مۇمكىن ەكەنىن ەسكەرتكەن.
ۋكراينا قورعانىس مينيسترلىگىنىڭ باس بارلاۋ باسقارماسى دا ۋكرايندىقتارعا مەرەكە كۇندەرى اسا ساق بولۋعا كەڭەس بەردى.
“ەلدىڭ ىشكى-سىرتىندا زىمىران سوققىلارى جانە باسقا دا ارانداتۋ ارەكەتتەرى بولۋى مۇمكىن”، - دەپ مالىمدەدى بارلاۋ باسقارماسىنىڭ وكىلى اندرەي يۋسوۆ.
بۇل اپتادا كيەۆتە كوپ ادام جينالاتىن شارالارعا تىيىم سالىندى. قالا پوليتسياسى تۇرعىنداردى 23-25 تامىز ارالىعىندا اۋە دابىلىنا بەي-جاي قاراماۋعا شاقىردى.
”ادىرنا” ۇلتتىق پورتالى
