دجو بايدەن 2024 جىلى سايلاۋعا قاتىساتىنىن مالىمدەدى. بۇل تۋرالى ول جۇما كۇنى ABC تەلەارناسىنا بەرگەن سۇحباتىندا وسىنداي مالىمدەمە جاسادى، دەپ حابارلايدى "ادىرنا" ۇلتتىق پورتالى.
بايدەننىڭ ايتۋىنشا، ول كەلەسى پرەزيدەنت سايلاۋىنا "قاتىسۋعا نيەتتى".
"ناۋقان باستالماس بۇرىن بۇعان دەيىن باستالعان كوپ جۇمىستى اياقتاۋىم كەرەك", - دەپ اتاپ ءوتتى ول.
80 جاستاعى دەموكراتتىڭ ويىنشا، ونىڭ جاسى سايلاۋعا قاتىسۋ بويىنشا جوسپارىنا اسەر ەتپەيدى. الايدا، ول ادامداردىڭ ءوزىنىڭ جاسىنا ءجيى تيىسەتىنىن دە اتاي كەتتى.
ايتا كەتەيىك، دجو بايدەن مەملەكەت باسشىسى لاۋازىمىنا قايتا سايلانۋعا قاتىسۋ تۋرالى جوسپارىمەن 2022 جىلعى 9 قاراشادا بولىسكەن بولاتىن. الايدا تولىق شەشىمدى وسى جىلدىڭ باسىندا قابىلدايتىنىن ەسكەرتكەن.
