پرەزيدەنت بىرنەشە زاڭعا قول قويدى

3185
Adyrna.kz Telegram

ەل پرەزيدەنتى قاسىم-جومارت توقاەۆ بىرنەشە زاڭعا قول قويدى، دەپ حابارلايدى "ادىرنا" ۇلتتىق پورتالى، اقوردا سايتىنا سىلتەمە جاساپ.

پرەزيدەنت قول قويدى:

  • "ەۋرازيالىق ەكونوميكالىق وداق شەڭبەرىندە باعالى مەتالدارمەن جانە اسىل تاستارمەن وپەراتسيالاردى جۇزەگە اسىرۋ ەرەكشەلىكتەرى تۋرالى كەلىسىمدى راتيفيكاتسيالاۋ تۋرالى" قازاقستان رەسپۋبليكاسىنىڭ زاڭىنا;
  • "مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالاۋ تۋرالى" قازاقستان رەسپۋبليكاسىنىڭ زاڭىنا;
  • "تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسياسىن راتيفيكاتسيالاۋ تۋرالى" قازاقستان رەسپۋبليكاسىنىڭ زاڭىنا.
سەناتتىڭ مالىمەتىنە سۇيەنسەك، "مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالاۋ تۋرالى" زاڭ مەملەكەتارالىق ستاندارتتاۋدى جەتىلدىرۋگە، سونداي-اق تمد ستاندارتتاۋ، مەترولوگيا جانە سەرتيفيكاتتاۋ جونىندەگى مەملەكەتارالىق كەڭەس قابىلدايتىن قۇجاتتاردى تاراتۋ جانە پايدالانۋ قاعيداتتارى بىرلىگىن قامتاماسىز ەتۋگە مۇمكىندىك بەرەدى.

"تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسياسىن راتيفيكاتسيالاۋ تۋرالى" زاڭ سوتتالعاندار ءوز مەملەكەتىندە باس بوستاندىعىنان ايىرۋعا بايلانىستى ەمەس جازانى وتەۋگە جاعداي جاساۋعا مۇمكىندىك بەرەدى. ەگەر ادام تمد ەلدەرى اۋماعىندا سوتتالعان بولسا جانە جازا باس بوستاندىعىنان ايىرۋمەن بايلانىستى بولماسا، وندا ول جازاسىن وتەۋ ءۇشىن ەلىنە ورالا الادى.

"مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالاۋ تۋرالى" زاڭ بويىنشا باعالى مەتالدار مەن تاستاردان جاسالعان بۇيىمعا قوسىمشا سىنامالار ورناتۋدىڭ كۇشى جويىلادى. ياعني، قازاقستاندىق سىناماسى بار زەرگەرلىك بۇيىمدى ەكونوميكالىق وداقتىڭ بارلىق ەلى اۋماعىندا قايتا سىناماي-اق وتكىزۋگە بولادى. سەناتتىڭ مالىمەتى بويىنشا، كەلىسىم ءبىر جاعىنان قازاقستاندىق نارىقتى ساپاسىز زەرگەرلىك شيكىزات اكەلۋدەن قورعاسا، ال ەكىنشى جاعىنان اففيناج التىنىن ءوندىرۋدى ۇلعايتۋعا جانە ەاەو كەدەندىك اۋماعىندا باعالى مەتالدار مەن تاستاردىڭ ەركىن اينالىمى ءۇشىن قاجەتتى جاعدايلار جاساۋعا مۇمكىندىك بەرەدى.

"ادىرنا" ۇلتتىق پورتالى

پىكىرلەر