قر پارلامەنتى ءماجىلىسىنىڭ دەپۋتاتتىعىنا كانديدات بەلگىلى زاڭگەر باقىتجان بازاربەك ءوز قارسىلاستارىن اشىق پىكىرتالاسقا شاقىردى، دەپ جازادى "ادىرنا" ۇلتتىق پورتالى.
"الماتى قالاسىنىڭ №5-ءشى سايلاۋ وكرۋگىندەگى قارسىلاستارىمدى اشىق پىكىرتالاسقا شاقىرامىن! ەگەر ءسىز شىنىمەن قر پارلامەنتى ءماجىلىسىنىڭ دەپۋتاتى بولا وتىرىپ، قازاقستاندىقتاردىڭ ءومىرىن جاقسى جاققا وزگەرتەمىن، سىبايلاس جەمقورلىقپەن كۇرەسۋدىڭ جانە وتانداستارىمىزدىڭ ءال-اۋقاتىن جاقسارتۋدىڭ ءتيىمدى تەتىكتەرىن ۇسىنا الامىن دەپ ويلاساڭىز، وندا شىعىڭىز. مەن دايىنمىن! سوزدەن ىسكە كوشەيىك! مەنىڭ قارسىلاستارىم بولاشاققا ارنالعان جوسپارلارىنان باسقا، ەلگە شىنىمەن پايداسىن تيگىزگەن ناتيجەلەرىن كورسەتۋگە دايىن دەپ ۇمىتتەنەمىن. كاسىبي زاڭگەر، ادۆوكات رەتىندە بۇل دالەلدى پىكىرتالاس مەن ءۇشىن وتە قىزىقتى بولماق. ءبىزدىڭ مۇمكىندىكتەرىمىز وراسان، ەرىك-جىگەرىمىز جەتكىلىكتى. بارلىعى ەندى باستالىپ جاتىر",- دەپ مالىمدەدى باقىتجان بازاربەك.
"ادىرنا" ۇلتتىق پورتالى
