QR Parlamenti Májilisiniń depýtattyǵyna kandıdat belgili zańger Baqytjan Bazarbek óz qarsylastaryn ashyq pikirtalasqa shaqyrdy, dep jazady "Adyrna" ulttyq portaly.
"Almaty qalasynyń №5-shi saılaý okrýgindegi qarsylastarymdy ashyq pikirtalasqa shaqyramyn! Eger siz shynymen QR Parlamenti Májilisiniń depýtaty bola otyryp, qazaqstandyqtardyń ómirin jaqsy jaqqa ózgertemin, sybaılas jemqorlyqpen kúresýdiń jáne otandastarymyzdyń ál-aýqatyn jaqsartýdyń tıimdi tetikterin usyna alamyn dep oılasańyz, onda shyǵyńyz. Men daıynmyn! Sózden iske kósheıik! Meniń qarsylastarym bolashaqqa arnalǵan josparlarynan basqa, elge shynymen paıdasyn tıgizgen nátıjelerin kórsetýge daıyn dep úmittenemin. Kásibı zańger, advokat retinde bul dáleldi pikirtalas men úshin óte qyzyqty bolmaq. Bizdiń múmkindikterimiz orasan, erik-jigerimiz jetkilikti. Barlyǵy endi bastalyp jatyr",- dep málimdedi Baqytjan Bazarbek.
"Adyrna" ulttyq portaly
