تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى كاتار مەملەكەتىندە وتكەن «بىرىككەن ۇلتتار ۇيىمىنىڭ ۇلگىسى» جاستار كونفەرەنتسياسىنا قاتىستى. كونفەرەنتسيا دوحاداعى دجوردجتاۋن ۋنيۆەرسيتەتىندە ءوتتى.
بيىلعى جاھاندىق قاۋىپسىزدىك: وتكەننىڭ ساباقتارى تاقىرىبىندا وتكەن ءىس-شاراسى 15 ەلدەن كەلگەن 500-دەن استام قاتىسۋشى بۇۇ ديپلوماتتارىنىڭ رولىنە ەنىپ، الەمدەگى ەڭ وزەكتى قاۋىپسىزدىك ماسەلەلەرىن شەشۋ جولدارىن تالقىلادى.
قازاقستان كومانداسىنىڭ قۇرامىنا تالدىقورعان قالاسىنداعى نازارباەۆ زياتكەرلىك مەكتەبىنىڭ التى وقۋشىسى كىردى.
كونفەرەنتسيا ناتيجەسىندە 11- سىنىپ وقۋشىلارى ماكسيم سۋرين مەن دانيال شوكوبالينوۆ MUN باس حاتشىسى جانە حالىقارالىق تاريح بويىنشا اعا مامان بەندجامين كۋرياننىڭ، سونداي-اق GU-Q ءبىلىم بەرۋدى دامىتۋ جونىندەگى مەنەدجەرى دجيبين كوشيدىڭ اتىنان ماقتاۋ قاعازدارىمەن ماراپاتتالدى.
مەن DISEC كوميتەتىندە وڭتۇستىك كورەيا دەلەگاتسياسىنىڭ اتىنان قاتىستىم. مادەني مۇرانى قورعاۋ، الەمدە بولىپ جاتقان ناقتى جاعدايلاردى تالداۋ، سونداي-اق ايەلدەر مەن ادامداردىڭ باسقا دا توپتارىنىڭ قۇقىقتارىن قورعاۋ تاقىرىپتارى بويىنشا تالقىعا تۇستىك. وسى كونفەرەنتسيانىڭ ارقاسىندا مەن كوپتەگەن تالانتتى پىكىرسايىسشىلارمەن تانىستىم، سونىمەن قاتار جاھاندىق پروبلەمالارعا ءوزىمنىڭ سىني كوزقاراسىمدى ايتا الدىم، - دەپ ءوز ەموتسيالارىمەن ماكسيم سۋرين ءبولىستى.
دانيال شوكوبالينوۆ ءوز سۇحباتىندا كونفەرەنتسيادا جيناقتاعان تاجىريبەگە دە توقتالدى.
ارينە، بۇل كونفەرەنتسياعا قاتىسۋ ماعان ۇلكەن تاجىريبە اكەلدى. تالقىلاۋ بارىسىندا ءبىز وزەكتى ماسەلەلەردى تاريحي تۇرعىدان قاراستىردىق، ويتكەنى وتكەننەن ساباق الىپ جانە قازىرگى ستسەناريلەرگە قولدانۋعا بولاتىن دۇنيە كوپ. ارقايسىمىز شىعارماشىلىقپەن اينالىسۋعا، كەدەرگىلەرگە قارسى تۇرۋعا، ءوز داعدىلارىمىزدى قولدانۋعا جانە كەڭەيتۋگە تىرىستىق، — دەيدى دانيال.
