2 تامىز كۇنى قاستاندىقتان قازا تاپقان حاماس ۇيىمىنىڭ توراعاسى يسمايل حانيانىڭ دەنەسى كاتارعا جەرلەندى. بۇل تۋرالى TRT تەلەارناسى جاريالادى، دەپ حابارلايدى “ادىرنا” ۇلتتىق پورتالى.
تەگەراندا جاسالعان قاستاندىق ناتيجەسىندە شەيىت بولعان حاماس ساياسي بيۋروسىنىڭ توراعاسى يسمايل حانيانى اقتىق ساپارعا شىعارىپ سالۋ ءراسىمى كاتار استاناسى دوحادا ۇيىمداستىرىلدى.
اقپاراتقا سايكەس، جەرلەۋ راسىمىنە يسلام ەلدەرىنەن كەلگەن ادام قاراسى كوپ بولعان. اراسىندا تۇركيا ۇلى ۇلتتىق ءماجىلىسىنىڭ توراعاسى نۋمان كۋرتۋلمۋش، ۆيتسە-پرەزيدەنت دجەۆدەت يىلماز، سىرتقى ىستەر ءمينيسترى حاكان فيدان جانە ۇلتتىق بارلاۋ ۇيىمىنىڭ باسشىسى يبراحيم كالىن دا قاتىسقان.
