رەسەيدىڭ التاي ولكەسىندە ءبىر ايەل سەگىز جاسار ۇلىنىڭ كوزىنشە كىشكەنتاي قىزىن لاۋلاعان وتتىڭ ورتاسىنا تاستاپ، تىرىدەي ورتەپ جىبەردى، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە كورسەتە وتىرىپ.
رەسەيدىڭ التاي ولكەسى بويىنشا تەرگەۋ كوميتەتىنىڭ مالىمەتىنشە, ايەل 20 اقپان كۇنى ايەل 1,5 جاسار قىزىن قويماعا الىپ بارعان.
"شەشەسى قىزىنىڭ ۇستىنە جانعىش سۇيىقتىق شاشىپ، 8 جاسار ۇلىنىڭ كوزىنشە ونى ورتەپ جىبەرگەن، سونان سوڭ وقيعا ورنىنان تابانىن جالتىراتقان. بالا العان جاراقاتتارىنان كەسىرىنەن كوز جۇمدى" - دەپ حابارلادى رەسەي فەدەراتسياسىنىڭ التاي ولكەسى بويىنشا تەرگەۋ كوميتەتىنىڭ ءباسپاسوز قىزمەتى.
مالىمەتتەردى ساراپتاي وتىرىپ انىقتالعانداي، ايەل بۇرىننان اتا-انا قۇقىعىنان ايىرىلعان بولىپ شىقتى. ولار تۇرمىسى ناشار وتباسى ەسەبىندە تىركەۋدە تۇرعان. قازىر جاۋىز جان قۇرىققا ءتۇستى.
قازىر ايەلدىڭ قالعان ەكى بالاسى بالالار ۇيىنە الىندى.
"ادىرنا" ۇلتتىق پورتالى
