قازاق ەلىنەن بارعان ازاماتتار ەرەكشە ىزدەستىرۋ-قۇتقارۋ ادىسىمەن كۇردەلى نىسانداردى جىلدام ارشىپ، ءىرى ۇيىندىلەردى تازالاۋعا، ادامداردىڭ تاعدىرىنا اراشاشى بولىپ، مايىتتەردى بۇزىپ الماي سىرتقا شىعارۋعا ارالاستى. ولار ەۋروپادان بارعان قۇتقارۋشىلارعا قاراعاندا بىرنەشە ەسە ءونىمدى ەڭبەك ەتىپ، تاپسىرمانى ارتىعىمەن ورىندادى، قوسىمشا نىسانداردا جۇمىس جۇرگىزدى، دەپ حابارلايدى "ادىرنا" ۇلتتىق پورتالى.
قازاق ەلى قۇتقارۋشىلارىنىڭ ەرەكشە ءادىسى جايلى جۋرناليست نۇربەك بەكباۋ جازدى. ونىڭ ايتۋىنشا، قازاق جىگىتتەرى قابىرعالاردى ويىپ-ۇڭعۋ مانەرىن ءتيىمدى قولدانعان. استىندا ادام قالعان ءۇيىندىنىڭ ءبۇيىرىن ويىپ، مۇمكىن بولماعان جاعدايدا استىڭعى تۇسىنان ۇڭعىپ، تۇرعىنداردى قۇتقارىپ وتىرعان. وسىلايشا، امان قالعان تۇرعىنداردىڭ دەنەسىن جاراقاتتاپ الماۋىنا ىڭعاي جاساپ، قايتىس بولعانداردىڭ ءمايىتىن ارۋلاپ جەرلەۋ ءۇشىن دالاعا بۇزباي شىعارعان. مۇنداي ءادىس تۇركياداعى ءزىلزالا زارداپتارىن جويۋ جۇمىستارىندا ءوز جەمىسىن بەرگەن:
- قازاقتىڭ توتەنشە قىزمەتى گازيەنتەپ شاھارىنا كەلگەندە، شەتكىرەك ءبىر ۋچاسكەنى بەرگەن. ەۋروپانىڭ مەن-مەن دەگەن ەلدەرىنىڭ قۇتقارۋشىلارىنا كوبىرەك يەك ارتقان عوي.ءبىزدىڭ جىگىتتەر، جارايدى،-دەيدى دە، سول وزدەرىنە بەرىلگەن اۋماقتان اۋەلى 2-ەۋ، سوسىن تاعى 3 ادامدى ءدىن امان، قيراندىلار اراسىنان سۋىرىپ الادى. الگىندە عانا; – دامىعان ەلدەردىڭ روبوت بوپ كيىنىپ العان توتەنشەلىكتەرىنىڭ قاسىندا، قازاقتىڭ قايلا ۇستاعان جىگىتى نە بىتىرەدى؟-دەگەن پىكىرى ساپ جويىلادى. نازار بىزدىكىلەرگە اۋادى. قازاق جىگىتتەرى وتە ءونىمدى جۇمىس كورسەتەدى عوي، از عانا ۋاقىتتا، - دەپ جازدى نۇربەك بەكباۋ.
- شەتەلدىك قۇتقارۋشىلار — قيراندى استىندا قالىپ قويعان ادامداردى تەك اۋىر تەحنيكا كۇشىنە سۇيەنىپ قانا شىعارادى. وعان ۇزاقتاۋ ۋاقىت كەرەك. ءتىرى جاتقان كىسى كۇتىپ جاتىپ-اق ءولىپ قالا بەرگەن.ال قازاق جاساعىنىڭ تاكتيكاسى وزگەشە. قيراعان عيماراتتىڭ ءبۇيىرىن ۇڭگىپ، جەتىپ بارادى نەمەسە ءۇي جانىن ويىپ، باسىلىپ قالعان كىسىنىڭ استىنان كەلەدى. وسىنداي پيداگەرلىككە بارۋىنىڭ ارقاسىندا، جىگىتتەرىمىز 7 جاندى امان الىپ قالدى. 88 ادام دەنەسىن قيراندى ىشىنەن سۋىرىپ الدى. ءبىزجىڭ جىگىتتەر — قابىرعالاردى قاقىراتا قازىپ جاتقان كران اياۋلى ادام دەنەسىن مىلجالاپ تاستاۋىنا جول بەرمەي، ءار مارقۇمنىڭ ارۋلاپ كومىلۋىنە جاعداي جاسادى.تۇرىكتەر وسىدان كەيىن، گازيانتەپ قالاسىنداعى بىزگە تيەسەلى 3 ۋچاسكەدە قازاقتىڭ جىگىتتەرىن نەگىزگى كۇش ەتىپ، باسقاسىن سولارعا باعىندىرىپ قويدى.كەشە قيراندى ۇيلەردىڭ استىنان تىرىدەي بولسا تىرىدەي، شەيىت بولعانداردىڭ دەنەسىن الىپ شىعىپ، ءۇيىندى بولعان ۇيلەردى ءسۇرىپ، تاپ-تازا ەتىپ بارىپ، ەلگە قايتتى.ءابجىل، ارىقتاۋ كەلگەن، كوپشىلىگىڭ 5 ۋاقىتى تۇگەل، سابىرلى جىگىتتەر. ناعىز باتىرسىڭدار! - دەيدى اۆتور.
