Qazaq elınen barǧan azamattar erekşe ızdestıru-qūtqaru ädısımen kürdelı nysandardy jyldam arşyp, ırı üiındılerdı tazalauǧa, adamdardyŋ taǧdyryna araşaşy bolyp, mäiıtterdı būzyp almai syrtqa şyǧaruǧa aralasty. Olar Europadan barǧan qūtqaruşylarǧa qaraǧanda bırneşe ese önımdı eŋbek etıp, tapsyrmany artyǧymen oryndady, qosymşa nysandarda jūmys jürgızdı, dep habarlaidy "Adyrna" ūlttyq portaly.
Qazaq elı qūtqaruşylarynyŋ erekşe ädısı jaily jurnalist Nūrbek Bekbau jazdy. Onyŋ aituynşa, qazaq jıgıtterı qabyrǧalardy oiyp-ūŋǧu mänerın tiımdı qoldanǧan. Astynda adam qalǧan üiındınıŋ büiırın oiyp, mümkın bolmaǧan jaǧdaida astyŋǧy tūsynan ūŋǧyp, tūrǧyndardy qūtqaryp otyrǧan. Osylaişa, aman qalǧan tūrǧyndardyŋ denesın jaraqattap almauyna yŋǧai jasap, qaitys bolǧandardyŋ mäiıtın arulap jerleu üşın dalaǧa būzbai şyǧarǧan. Mūndai ädıs Türkiiadaǧy zılzala zardaptaryn joiu jūmystarynda öz jemısın bergen:
- Qazaqtyŋ tötenşe qyzmetı Gazientep şaharyna kelgende, şetkırek bır uchaskenı bergen. Europanyŋ men-men degen elderınıŋ qūtqaruşylaryna köbırek iek artqan ǧoi.Bızdıŋ jıgıtter, jaraidy,-deidı de, sol özderıne berılgen aumaqtan äuelı 2-eu, sosyn taǧy 3 adamdy dın aman, qirandylar arasynan suyryp alady. Älgınde ǧana; – damyǧan elderdıŋ robot bop kiınıp alǧan tötenşelıkterınıŋ qasynda, qazaqtyŋ qaila ūstaǧan jıgıtı ne bıtıredı?-degen pıkırı sap joiylady. Nazar bızdıkılerge auady. Qazaq jıgıtterı öte önımdı jūmys körsetedı ǧoi, az ǧana uaqytta, - dep jazdy Nūrbek Bekbau.
Sonymen qatar, jurnalist bızdıŋ qūtqaruşylardyŋ qyzmetın artyǧymen oryndap, özgeşe taktikasymen şeteldıkter arasynda közge tüskenın basa jazady:
- Şeteldık qūtqaruşylar — qirandy astynda qalyp qoiǧan adamdardy tek auyr tehnika küşıne süienıp qana şyǧarady. Oǧan ūzaqtau uaqyt kerek. Tırı jatqan kısı kütıp jatyp-aq ölıp qala bergen.Al qazaq jasaǧynyŋ taktikasy özgeşe. Qiraǧan ǧimarattyŋ büiırın üŋgıp, jetıp barady nemese üi janyn oiyp, basylyp qalǧan kısınıŋ astynan keledı. Osyndai pidagerlıkke baruynyŋ arqasynda, jıgıtterımız 7 jandy aman alyp qaldy. 88 adam denesın qirandy ışınen suyryp aldy. Bızjıŋ jıgıtter — qabyrǧalardy qaqyrata qazyp jatqan kran aiauly adam denesın myljalap tastauyna jol bermei, är marqūmnyŋ arulap kömıluıne jaǧdai jasady.Türıkter osydan keiın, GaziAntep qalasyndaǧy bızge tieselı 3 uchaskede qazaqtyŋ jıgıtterın negızgı küş etıp, basqasyn solarǧa baǧyndyryp qoidy.Keşe qirandy üilerdıŋ astynan tırıdei bolsa tırıdei, şeiıt bolǧandardyŋ denesın alyp şyǧyp, üiındı bolǧan üilerdı sürıp, tap-taza etıp baryp, elge qaitty.Äbjıl, aryqtau kelgen, köpşılıgıŋ 5 uaqyty tügel, sabyrly jıgıtter. Naǧyz batyrsyŋdar! - deidı avtor.
"Adyrna" ūlttyq portaly
Ūqsas jaŋalyqtar
