قازاقستان رەسپۋبليكاسىنىڭ مەملەكەتتىك كەڭەسشىسى ەرلان قاريننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
2023 جىلى «بولاشاق» باعدارلاماسى بويىنشا بارلىعى 555 ستيپەنديا، ونىڭ ىشىندە ماگيستراتۋراعا 395, رەزيدەنتۋرا جانە دوكتورانتۋراعا 50, تاعىلىمدامادان وتۋگە 110 ستيپەنديا ءبولىندى.
وتىرىستا شەتەلدە تاعىلىمدامادان ءوتۋ ءۇشىن «بولاشاق» ستيپەندياسىن تاعايىنداۋ ماسەلەسى دە قارالدى. كوميسسيا شەشىمىنە سايكەس 25 ازاماتقا ستيپەنديا بەرىلدى.
ايتا كەتۋ كەرەك، «بولاشاق» باعدارلاماسىنىڭ ستيپەندياسىن الۋعا قۇجات تاپسىرۋ بيىلعى جىلدىڭ قىركۇيەك ايىنا دەيىن جالعاسادى.
جيىن سوڭىندا ەرلان قارين بىرقاتار ناقتى تاپسىرما بەردى.
