سەناتور التىنبەك نۇحۇلى قازاق حالقىنىڭ كورنەكتى ۇلى، شىعىس ەلدەرىنەن شىققان تۇڭعىش اكادەميك، الەمگە ايگىلى عالىم، بەلگىلى مەملەكەت جانە قوعام قايراتكەرى قانىش ساتباەۆتىڭ 125 جىلدىعىن جوعارى دەڭگەيدە اتاپ وتۋگە شاقىردى. بۇل تۋرالى ول ءاليحان سمايىلوۆقا جولداعان ساۋالىندا ايتتى، دەپ حابارلايدى “ادىرنا” ۇلتتىق پورتالى.
سەناتور وسى شارالار جوسپارىن قاراپ، ونى بەكىتۋ ءۇشىن مەملەكەتتىك كوميسسيا قۇرۋدى دا ۇسىندى.
"عالىمنىڭ تۋعان ەلى – پاۆلودار قالاسىنىڭ اەروپورتىنا "اكادەميك قانىش ساتباەۆ" ەسىمىن بەرۋدى جانە العاشقى اكادەميكتىڭ 10 تومدىق تولىق جيناعى مەن 5 تومدىق اكادەميالىق شىعارمالار جيناعىن دايىنداۋ جانە ەنتسيكلوپەدياسىن تولىقتىرىپ، جاڭادان ەكى تىلدە شىعارۋدى ۇسىنامىز. قازاقستانداعى ساتپاەۆ مۋزەيلەرىن زاماناۋي تالاپتارعا سايكەس قالىپقا كەلتىرۋ، قانىش ساتپاەۆتىڭ تۋعان جەرىندە مەموريالدىق كەشەن سالۋ جانە بۇعان دەيىنگى دەپۋتاتتىق ساۋالدا كوتەرىلگەن 30 كيلومەترلىك تۋريستىك جولدى سالۋدى باستاۋ ماڭىزدى", - دەدى التىنبەك نۇحۇلى.
