Oraldyŋ ekı tūrǧynynyŋ separatistık mälımdemesı boiynşa polisiia tergeu bastady, dep habarlaidy “Adyrna” ūlttyq portaly "Uralskaia nedelia" basylymyna sılteme jasap.
"Jürgızılgen şaralardyŋ nätijesınde 1990 jyly tuǧan azamat "R" jäne 1987 jyly tuǧan azamat "K" anyqtaldy. Ekeuı de Oral qalasynyŋ tūrǧyndary. 2023 jyldyŋ 14 aqpanynda atalǧan faktı boiynşa Qazaqstan Respublikasy Qylmystyq kodeksınıŋ 174-babynyŋ 1-bölıgı "Ūltaralyq arazdyqty qozdyru" boiynşa sotqa deiıngı tergeu bastaldy. Qazaqstan Respublikasy Qylmystyq-prosestık kodeksınıŋ 201-babynyŋ şeŋberındegı özge mälımetter jariia etuge jatpaidy", - dep mälımdedı BQO polisiia departamentı.
Aqparat boiynşa, küdıktıler men bloger arasyndaǧy dialog chat-ruletka ǧalamtor jelısınde bolǧan. Er adam Oraldyŋ ejelden orys qalasy ekenın aityp, qazaqtıldı qazaqtardy "mambet" dep atap, Resei Qazaqstanǧa şabuyl jasasa, orystardy qoldaitynyn aitqan.
Ūstalǧannan keiın ol qazaqstandyqtardan keşırım sūrap, blogermen mas küiınde söileskenın jetkızgen.
