پەرۋاشەۆ: نازارباەۆ قىزمەتتەن كەتتى ەكەن دەپ جىلاعان جوقپىن (ۆيدەو)

2388
Adyrna.kz Telegram

ازات پەرۋاشەۆ نازارباەۆ وتستاۆكاعا كەتكەندە نە سەبەپتى كوزىنە جاس العانىن ءتۇسىندىردى، دەپ جازادى “ادىرنا” ۇلتتىق پورتالى Qazaq Uni پورتالىنا سىلتەمە جاساپ.

“ەر ادامعا ءتان جانارىمنان جارتى جاس دومالاعانى - تۇڭعىش پرەزيدەنتكە، نە ونىڭ قىزمەتىنەن كەتۋىنە بايلانىستى ەمەس. ماعان «90-شى جىلداردىڭ ءسىز ءۇشىن ماڭىزى قانداي؟» دەگەن جەكە ومىرىمە قاتىستى سۇراق قويىلدى. 90-شى جىلدارى ءبىزدىڭ بۋىنعا وڭاي بولعان جوق. جاقىندارىمىزدى جوعالتقان ساتتەر بولدى. ەموتسياعا ەرىك بەرگەنىم سودان. ەكىنشىدەن، اقىلدى ادامدار يدەيالاردى تالقىلايدى. قالعاندارى وزگەلەردى ءسوز قىلادى. مەن يدەيالاردى تالقىلاپ، ولاردى جۇزەگە اسىرۋدى ءجون كورەمىن. ەگەر بىرەۋ مەنى ءسوز ەتكىسى كەلسە - بۇل ولاردىڭ ءوز ەركى. بىراق، «اقجولدىڭ» پارلامەنتتەگى 10 جىلى ىشىندە بار كەمشىلىگىم وسى ءبىر ەموتسيام عانا بولسا، وندا قالعان ىستەرىمىز دۇرىس ەكەنى ءسوزسىز. ال، ءبىز ازاماتپىز!”،- دەپ جاۋاپ بەردى پەرۋاشەۆ جۋرناليستەرگە بەرگەن سۇحباتىندا.

“ادىرنا” ۇلتتىق پورتالى

پىكىرلەر