اقتوبە وبلىسىنىڭ ەكس-اكىمى قاماۋعا الىندى. بۇل تۋرالى سوتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقتوبە وبلىسىنىڭ ەكس-اكىمى ەرمەك يمانتاەۆ لاۋازىمدىق وكىلەتتىكتەرىن اسىرا پايدالاندى دەگەن كۇدىككە ءىلىندى. ول 8 ساۋىرگە دەيىن قاماۋدا بولادى.
«اقتوبە قالاسىنىڭ مامانداندىرىلعان تەرگەۋ سوتىنىڭ 10 اقپانداعى قاۋلىسىمەن قر قك 361-بابىنىڭ 4-بولىگىندە كوزدەلگەن قىلمىس جاسادى دەپ كۇدىكتىنىڭ ي. ىسىنە قاتىستى (لاۋازىمدىق وكىلەتتىكتەرىن تەرىس پايدالانۋ) 2023 جىلعى 8 ساۋىرگە دەيىن ەكى اي مەرزىمگە قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەرىلدى»، — دەلىنگەن سوتتىڭ ءباسپاسوزى تاراتقان حابارلامادا.
قاۋلى زاڭدى كۇشىنە ەنگەن جوق.
ايتا كەتەيىك، ەرمەك يمانتاەۆ 2002 جىلعى ساۋىردەن 2004 جىلعى شىلدەگە دەيىن اقتوبە وبلىسىنىڭ اكىمى، ودان كەيىن قر پرەزيدەنتى اكىمشىلىگىنىڭ ۇيىمداستىرۋ-باقىلاۋ جۇمىسى جانە كادر ساياساتى باسقارماسىنىڭ، مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى.
2019 جىلعى قاراشادان 2021 جىلعى ناۋرىزعا دەيىن «اقتوبە «الەۋمەتتىك-كاسىپكەرلىك كورپوراتسياسى» اق باسقاردى.
