"بۇل حات ارانداتۋشىلىق. ءمينيستردىڭ ويىنى"

2216

ءبىز كەشە عانا "ادىرنا" ۇلتتىق پورتالىنىڭ پوشتاسىنا تانىمال ءارتىس تۇڭعىشباي جامانقۇلوۆتىڭ ەلباسىنان كەشىرىم سۇراعان حاتى كەلىپ تۇسكەنىن جاريالاعان بولاتىنبىز. وندا حاتتى جىبەرگەن وقىرمان اتاقتى ءارتىستىڭ جاقىندا پرەزيدەنت نازارباەۆتان كەشىرىم سۇرادى دەلىنگەن حاتتى ماتىنىمەن سۋرەتىن قوسا جىبەرگەن بولاتىن.

بۇگىن وسى حاتقا بايلانىستى تۇڭعىشباي جامانقۇلوۆتىڭ ءوز اۋزىنان جاۋابىن ەستىدىك.

"بۇل باياعىدا سوتقا دەيىنگى، مادەنيەت ءمينيسترىنىڭ سوڭىمنان قالماي، ادامدار سالىپ ءجۇرىپ جازدىرعان حاتى. مەن تەاتردىڭ جۇمىستارىمەن شىمكەنتتە جۇرگەن بولاتىنمىن. ارىستانبەك مۇحامەديۇلىنىڭ تاپسىرماسىمەن ماعان ءسابيت ابدىحالىقوۆ كەلدى. ءمينيستردىڭ سالەمىن ايتتى ء"سىز سوتقا دەيىن ەلباسىنا كەشىرىم سۇراپ حات جازىڭىز. مەن قارجىنى بايقاماي جەپ قويىپپىن.كەشىرىڭىز دەپ". مەن ايتتىم مەن ولاي جازبايمىن. جازسام باسقاداي جازامىن دەدىم. سوسىن، بۇل حاتتى ءسابيت ارىستانبەك مۇحامەديۇلىنا، ارىستانبەك مۇحامەديۇلى نۇرسۇلتان ءابىشۇلىنا بەرۋ كەرەك بولعان. ال، ولار ول حاتتى بەرمەي ادەيى ساقتاپ قالعان. بۇل حات ارانداتۋشىلىق. بۇل مينيستر ارىستانبەك مۇحامەديۇلىنىڭ ويىنى. سەنبەسەڭىز حاتتىڭ اياعىن قاراڭىز. ادەيى داتاسى جازىلعان جەردى سۋرەتكە تۇسىرمەگەن. ياعني، بۇل ساياسي تاپسىرىس" دەدى تۇڭعىشباي جامانقۇلوۆ.

الداعى كۇندەرى "ادىرنا" ۇلتتىق پورتالى تۇڭعىشباي جامانقۇلوۆپەن تىكەلەي ەفير وتكىزەدى. سول كەزدە تاقىرىپتى كەڭىنەن تالقىلايتىن بولامىز.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket