Biz keshe ǵana "Adyrna" ulttyq portalynyń poshtasyna tanymal ártis Tuńǵyshbaı Jamanqulovtyń Elbasynan keshirim suraǵan haty kelip túskenin jarııalaǵan bolatynbyz. Onda hatty jibergen oqyrman ataqty ártistiń jaqynda Prezıdent Nazarbaevtan keshirim surady delingen hatty mátinimen sýretin qosa jibergen bolatyn.
Búgin osy hatqa baılanysty Tuńǵyshbaı Jamanqulovtyń óz aýzynan jaýabyn estidik.
"Bul baıaǵyda sotqa deıingi, mádenıet mınıstriniń sońymnan qalmaı, adamdar salyp júrip jazdyrǵan haty. Men teatrdyń jumystarymen Shymkentte júrgen bolatynmyn. Arystanbek Muhamedıulynyń tapsyrmasymen maǵan Sábıt Ábdihalyqov keldi. Mınıstrdiń sálemin aıtty "Siz sotqa deıin Elbasyna keshirim surap hat jazyńyz. Men qarjyny baıqamaı jep qoıyppyn.Keshirińiz dep". Men aıttym men olaı jazbaımyn. Jazsam basqadaı jazamyn dedim. Sosyn, bul hatty Sábıt Arystanbek Muhamedıulyna, Arystanbek Muhamedıuly Nursultan Ábishulyna berý kerek bolǵan. Al, olar ol hatty bermeı ádeıi saqtap qalǵan. Bul hat arandatýshylyq. Bul mınıstr Arystanbek Muhamedıulynyń oıyny. Senbeseńiz hattyń aıaǵyn qarańyz. Ádeıi datasy jazylǵan jerdi sýretke túsirmegen. Iaǵnı, bul saıası tapsyrys" dedi Tuńǵyshbaı Jamanqulov.
Aldaǵy kúnderi "Adyrna" ulttyq portaly Tuńǵyshbaı Jamanqulovpen tikeleı efır ótkizedi. Sol kezde taqyrypty keńinen talqylaıtyn bolamyz.
"Adyrna" ulttyq portaly
