بەلگىلى ايتىسكەر اقىن رينات زايتوۆ "بيلىكتىڭ پارتياسىنا قوسىلىپ، حالىقتى ساتىپ كەتتىڭ" دەگەندەرگە جاۋاپ بەردى، دەپ جازادى "ادىرنا" ۇلتتىق پورتالى.
"سىزدەر بيلىكپەن كەلىسىمگە بارعان ادام "جەكسۇرىن" دەيسىزدەر. وندا ءبارىن الىپ تاستايىق! "چاتتان شىق، بيلىكتىڭ پارتياسىنا باردىڭ، ساتىپ كەتتىڭ" دەپ وتىرعان مەن ەمەس قوي؟! دۇرىس پا؟ سىزدەر سولاي ايتىپ جاتىرسىزدار. ەگەر ولاي قارايتىن بولساق، وندا وپپوزيتسياڭىزدى دا سىزىپ تاستاڭىز. ودان ءارى بارايىق. قوناەۆتى سىزىپ تاستاڭىزدار. "قۇداي جوق" دەگەن كوممۋنيستىك پارتيانىڭ مۇشەسى بولعان. وزبەكالى جانىبەكوۆتى، جۇمابەك تاشەنوۆتى، ماناربەك ەرجانوۆتى سىزىپ تاستاڭىزدار. ودان ءارى بارايىق. ىبىراي ءالتىنساريندى سىزىپ تاستاڭىزدار. پاتشا ۇكىمەتىمەن كەلىسىمگە بارعان ابايدىڭ اكەسى قۇنانبايدى سىزىپ تاستاڭىزدار. ۆزياتكا بەرىپ بولىس بولعان ابايدى سىزىپ تاستاڭىزدار. "بولىس بولدىم مىنەكي، بار مالىمدى شىعىنداپ" دەپ ءوزى ايتادى. وسىنىڭ ءبارىن سىزىپ تاستاڭىزدار. ەگەر ۇلتىنىڭ مۇددەسى ءۇشىن الدەقانداي ارەكەتتىڭ جولىن تاپقان ادامداردىڭ ءبارى ساتقىن دەسەڭىزدەر، وسىنىڭ بارلىعىن سىزىپ تاستاڭىزدار. مەن دە وسىلاردىڭ قاتارىنا قوسىلۋعا دايىنمىن. سولاي ىستەگەن ادامنىڭ ءبارى ساتقىن بولاتىن بولسا، مەن سولاردىڭ قاتارىندا بولايىنشى. وندا ساتقىن ەمەسپىز دەگەندەر جاقسى بولىپ جۇرە بەرسىن",- دەدى رينات زايتوۆ جۋرناليست دۋمان مۇحامەدكارىمگە بەرگەن سۇحباتىندا.
"ادىرنا" ۇلتتىق پورتالى
