Belgili aıtysker aqyn Rınat Zaıtov "bıliktiń partııasyna qosylyp, halyqty satyp kettiń" degenderge jaýap berdi, dep jazady "Adyrna" ulttyq portaly.
"Sizder bılikpen kelisimge barǵan adam "jeksuryn" deısizder. Onda bárin alyp tastaıyq! "Chattan shyq, bıliktiń partııasyna bardyń, satyp kettiń" dep otyrǵan men emes qoı?! Durys pa? Sizder solaı aıtyp jatyrsyzdar. Eger olaı qaraıtyn bolsaq, onda oppozıııańyzdy da syzyp tastańyz. Odan ári baraıyq. Qonaevty syzyp tastańyzdar. "Qudaı joq" degen kommýnıstik partııanyń múshesi bolǵan. Ózbekáli Jánibekovti, Jumabek Táshenovti, Manarbek Erjanovty syzyp tastańyzdar. Odan ári baraıyq. Ybyraı Altynsarındi syzyp tastańyzdar. Patsha úkimetimen kelisimge barǵan Abaıdyń ákesi Qunanbaıdy syzyp tastańyzdar. Vzıatka berip bolys bolǵan Abaıdy syzyp tastańyzdar. "Bolys boldym minekı, bar malymdy shyǵyndap" dep ózi aıtady. Osynyń bárin syzyp tastańyzdar. Eger ultynyń múddesi úshin áldeqandaı árekettiń jolyn tapqan adamdardyń bári satqyn deseńizder, osynyń barlyǵyn syzyp tastańyzdar. Men de osylardyń qataryna qosylýǵa daıynmyn. Solaı istegen adamnyń bári satqyn bolatyn bolsa, men solardyń qatarynda bolaıynshy. Onda satqyn emespiz degender jaqsy bolyp júre bersin",- dedi Rınat Zaıtov jýrnalıst Dýman Muhamedkárimge bergen suhbatynda.
"Adyrna" ulttyq portaly
