«AMANAT»-تىڭ ەلىمىز بويىنشا 14 مىڭنان استام مۇشەسى پارتيانىڭ اۋماقتىق فيليالدارىنىڭ 225 كونفەرەنتسياسىنا قاتىستى. ولار پارتيانىڭ جاڭا ساياسي تۇعىرناماسىنىڭ جوباسىن تالقىلاپ، بارلىق وبلىس پەن استانا، الماتى جانە شىمكەنت قالالارىنداعى فيليالداردا ەرتەڭ وتەتىن كونفەرەنتسيالارعا قاتىسۋ ءۇشىن دەلەگاتتاردى سايلادى.
ماسەلەن، بۇگىن ەلوردانىڭ 4 اۋدانىندا كونفەرەنتسيالار ءوتىپ، وعان 275 ادام قاتىستى. پارتيانىڭ ەسىل اۋداندىق فيليالى كونفەرەنتسياسىنىڭ دەلەگاتى، «قوعام» باستاۋىش پارتيا ۇيىمىنىڭ (بپۇ) مۇشەسى ەردەن وردابەك تۇعىرناما ساياسي ديالوگتى نىعايتۋعا جاڭا سەرىپىن بەرەدى دەپ ەسەپتەيدى.
«تۇعىرنامادا قوعامىمىزدى دامىتۋدىڭ بارلىق نەگىزگى باعىتى كورىنىس تاۋىپ وتىر. شىن مانىندە بۇل قۇجاتتا قازاقستاندىقتاردىڭ ارمان-مۇراتى مەن ءۇمىتى تولىقتاي ەسكەرىلگەن. جوبا پارتيالىقتاردىڭ اراسىندا بىرنەشە رەت قىزۋ تالقىلاۋدان ءوتتى. تۇعىرناما پارتيانىڭ قاتارىندا كوپ جىلدان بەرى مۇشە بولىپ كەلە جاتقانداردى دا، ونىڭ جاڭا مۇشەلەرىن دە ءبىر ماقساتقا بىرىكتىرەتىن قۇجات بولاتىنىنا سەنەمىز»، - دەدى ول.
استانا قالاسىنداعى «بىرلىك» فيليالىنىڭ اتقارۋشى حاتشىسى شىڭعىسحان قوجاحمەتوۆ پارتيالىقتاردىڭ باسىم بولىگى ساياسي تۇعىرنامانىڭ جوباسىن قولداعانىن العا تارتتى.
«ەلىمىزدە اۋىزبىرشىلىك پەن تۇراقتىلىقتىڭ بولۋى وتە ماڭىزدى جانە ءدال وسى مىزعىماس قۇندىلىقتار تۇعىرنامادا جازىلعان. ول تەك پارتيا مۇشەلەرىنە عانا ەمەس، قازاقستاننىڭ بارلىق ازاماتىنا ارنالادى. بۇل – بۇكىل ەلىمىزدىڭ دامۋ ۆەكتورىن ايقىندايتىن باعدارلامالىق قۇجات»، - دەدى ول.
شىعىس قازاقستان وبلىسىنداعى 11 اۋماقتىق كونفەرەنتسياعا بارلىعى مىڭنان استام پارتيا مۇشەسى جينالدى. وسكەمەن قالالىق ءماسليحاتىنىڭ دەپۋتاتى، اقىن-دراماتۋرگ اسكەرحان حۋانبايدىڭ ايتۋىنشا، حالقىمىزدىڭ تاريحى، تاعدىرى مەن كەلەشەگى تۋعان تىلىمىزدەن تامىر تارتادى.
«قازاق ءتىلى مىڭجىلدىق مادەنيەتىمىز بەن وركەنيەتىمىزدىڭ نەگىزى ءارى تىرەگى سانالادى. مۇنىڭ تۇعىرناما ماتىنىندە كورىنىس تاپقانى اسا ماڭىزدى. مەملەكەتتىك ءتىلدى قولداۋعا، ۇلتتىق قۇندىلىقتارىمىزدى، ءداستۇرىمىز بەن ادەت-عۇرپىمىزدى قورعاۋعا كوبىرەك كوڭىل ءبولۋ قاجەت. ساياسي رەفورما باستامالارىن تولىق قولدايمىز»، – دەدى دەپۋتات.
ال پاۆلودار وبلىسىنداعى 13 اۋماقتىق فيليالدىڭ كونفەرەنتسيا جۇمىسىنا پارتيانىڭ 842 مۇشەسى قاتىستى. «جاستار رۋحى» جاستار قاناتىنىڭ وبلىستىق فيليالىندا «ميعا شابۋىل» فورماتىندا جاڭا ساياسي تۇعىرنامانىڭ جوباسى تالقىلاندى.
«جاستار – ەل ەرتەڭى. جوعارى دەڭگەيدە قابىلداناتىن بارلىق جاھاندىق شەشىم ەڭ الدىمەن سولارعا اسەر ەتەدى. سوندىقتان، ءار جاس ازامات ءوز ۇلەسىن قوسىپ، قۇجات ءماتىنىن مۇقيات زەرتتەپ، قۇربى-قۇرداستارىمەن تالقىلاعانى ماڭىزدى. جاستار قاناتىنىڭ ءار مۇشەسى تۇعىرناما تۋرالى ايتىپ، ءوز ۇسىنىسىن ەنگىزەدى»، – دەدى «جاستار رۋحى» جاستار قاناتىنىڭ پاۆلودار وبلىستىق فيليالىنىڭ توراعاسى سانيرا ءجۇسىپوۆا.
ال باتىس قازاقستان وبلىسىندا پارتيانىڭ 700 مۇشەسى «AMANAT» پارتياسىنىڭ 13 اۋماقتىق فيليالىنىڭ كونفەرەنتسياسىنا جينالدى.
«ءبىزدىڭ مىندەتىمىز – قازاقستاننىڭ اۋماقتىق تۇتاستىعىن جانە مىزعىماستىعىن ساقتاپ قالۋ، ونىڭ قاۋىپسىزدىگىن نىعايتۋ، حالىقتىڭ ءال-اۋقاتىن جاقسارتۋ. مەملەكەت باسشىسى قاسىم-جومارت كەمەلۇلى توقاەۆتىڭ رەفورمالارىن تولىق قولدايمىز. بۇل رەفورمالار ەلىمىزدىڭ ساياسي جۇيەسىن جاڭعىرتۋعا باعىتتالعان. ءبىزدىڭ لدىمىزدا دەموكراتيالىق قاعيداتتارعا نەگىزدەلگەن ادىلەتتى قازاقستاندى قۇرۋ ءۇشىن وسى رەفورمالاردى تابىستى جۇزەگە اسىرۋ مىنەدى تۇر»، – دەپ مالىمدەدى ورال قالالىق كونفەرەنتسياسىنىڭ دەلەگاتى، مەكتەپ ديرەكتورى ءازيما گۋباشەۆا.
پارتيانىڭ اۋماقتىق فيليالدارى كونفەرەنتسيالارى وتىرىسىنىڭ قورىتىندىسى بويىنشا پارتيانىڭ اۋماقتىق فيليالدارىنىڭ كونفەرەنتسيالارىنا قاتىسۋ ءۇشىن دەلەگاتتار سايلاندى.
ەسكە سالا كەتەيىك، 6 قازاندا استانا قالاسىندا «AMANAT» پارتياسىنىڭ كەزەكتەن تىس XXIV سەزى وتەدى. سەزد جۇمىسىنا ەلىمىزدىڭ بارلىق وڭىرىنەن دەلەگاتتار قاتىسادى.
"ادىرنا" ۇلتتىق پورتالى
